ЛОНДОН. /TASS/. Их Британийг Европын холбооноос гаргах үйл явцыг эхлүүлэх хугацааг зургадугаар сарын 30-нд болгож хойшлуулах хүсэлтийг тус улсын Ерөнхий сайд Тереза Мэй Европын Зөвлөлийн дарга Дональд Тускт баасан гарагт илгээнэ. Энэ тухай “Reuters” агентлаг мэдээлжээ.

Тереза Мэйн Засгийн газрын өргөн барьсан гэрээний төслийг Их Британийн парламент хоёр ч удаа хэлэлцээд батлаагүй юм. Үүнтэй холбоотойгоор ЕХ-ны гишүүн 27 орны төр, засгийн тэргүүн нар Брюссельд уулзах үеэрээ “Brexit”-ийн хугацааг боломжит хоёр хувилбараар буюу Их Британийн парламент Брюссельтэй зөвшилцсөн гэрээний төслийг баталсан тохиолдолд тавдугаар сарын 22 хүртэл, хэрэв батлахгүй бол дөрөвдүгээр сарын 12 хүртэл хойшлуулах шийдвэр гаргасан билээ. 

Хэрэв “Brexit”-ийн нөхцөлийн талаарх хувилбарыг энэ сарын 12-ноос өмнө ЕХ-нд танилцуулахгүй бол Их Британи гэрээ байгуулахгүйгээр тус холбооноос гарах ёстой юм. ЕХ-ны гишүүн орнуудын төр, засгийн тэргүүн нар энэ сарын 10-нд яаралтай хуралдаж, “Brexit”-ийн асуудлыг хэлэлцэх аж.


Эх сурвалж: Монцамэ агентлаг

Share