Улсын онцгой комиссын шийдвэрээр наймдугаар сард тусгай үүргийн нийт 14 удаагийн нислэг үйлдэж, гадаадад буй 3500 орчим иргэнээ татан авахаар болсон.

Энэ дагуу Сөүл-Улаанбаатар чиглэлийн тусгай үүргийн онгоц өнөөдөр 08:40 цагт Улаанбаатараас хөөрлөө.

Тус онгоцоор 260 иргэн эх орондоо ирэх бөгөөд 17:00 цагт “Буянт-Ухаа” олон улсын нисэх буудалд газардах хуваарьтай байна гэж Улсын онцгой комиссын Шуурхай штабаас мэдээллээ.