Хүүхэд байхдаа эцэг эх чинь хэтэрхий хатуу байсан гэж та боддог уу? Хэрэв тийм бол тэд таныг өдөр бүр, ирээдүйд анхаарлаа төвлөрүүлэхийн зэрэгцээ өрөөгөө байнга цэвэрлэж, гэрийн даалгавраа хэзээ ч хийхгүй үлдээдэггүй хариуцлагатай нэгэн болгосон байна. Олон хүн хатуу чанга эцэг, эхчүүдийн гарт өсч торнидог бөгөөд магадгүй цаг үргэлж шийтгүүлж байгаа мэт санагддаг байсан байж магадгүй.

Хэдий тийм боловч байнгын шаардлага, хатуу чанга хяналтын дор өссөн хүүхэд илүү амжилттай байдаг нь судалгаагаар нотлогджээ. 

Английн Эссекс их сургууль 13-14 насны 15000 хүүхдэд зургаан жилийн турш нэгэн судалгаа явуулсан аж. Тус сургуулийн профессор Эрика Расконы хэлснээр энэ судалгааны үр дүн нь эцэг эх тэр дундаа эхийн оролцоо нь хүүхдийн боловсролд хэрхэн нөлөөлдөг талаар судалж үзэх зорилготой аж. Хүүхэддээ илүү итгэл найдвар төрүүлж, өндөр хүлээлттэй хатуу шаардлагатай ээжүүд нь хүүхдээ амжилтад хүрэхэд түлхэц болдгийг энэхүү судалгаагаар нотолсон байна.

Хатуу ээжтэй хүүхдүүд ээжийгээ ихэвчлэн дайсан гэж үздэг ч хожим нь тэдний хийсэн үйлдэл бүхэн өөрийнх нь сайн сайхны төлөө байсан гэдгийг ухаардаг. Мөн амьдралд тохиолдох олон асуудалд бэлтгэсэн гэдгийг ойлгох болно гэсэн байна.