Монгол Улсад  бүртгэгдсэн мэргэжлийн өвчний судалгаанаас харахад тоосноос үүдэлтэй уушигны өвчин 60 гаруй хувийг эзэлдэг байна. Уушигны өвчнөөр өвчилсөн тохиолдолд өвчтөн эдгэрэлт муу, өвчний хүндрэлээр нас барах тохиолдол элбэг байдаг талаар мэргэжлийн байгууллагаас гаргасан судалгаа байдаг аж. Тиймээс уг өвчлөлийг бууруулахад өвчлөхөөс урьдчилан сэргийлэх гол арга хэмжээ бол тоосны өртөлтөөс хамгаалах, хөдөлмөрийн нөхцөлийг сайжруулах явдал байдаг байна. Энэ дагуу Стандарт хэмжил зүйн газраас “Ажлын байранд тоосны өртөлтийг зохицуулах багц стантарт”-ыг баталжээ. Дашрамд дурдахад 2015 онд  хөдөлмөрийн салбарт мөрдөж байгаа  улсын стандартуудад хяналт тавьсан байна. 

Уг хяналтаар нийт стандартын 60 гаруй хувийг шинэчлэх шаардлагатай гэсэн дүгнэлт гарчээ. Дээрх мэдээлэлтэй холбоотойгоор Стандарт хэмжил зүйн газраас 2016-2017 онд долоон стандартыг шинэчлэн боловсруулж батлуулаад байна. Шинэчлэн боловсруулсан стандартуудаас шуугиан доргион, гэрэлтүүлэг зэрэг стандартуудыг шинэчлэхээр төлөвлөөд байгаа аж. 

Share