Сангийн сайд Б.Жавхлан хүүхдийн мөнгөний талаар  мэдээллээ.

Тэрбээр: 

"Улсын хэмжээнд нийт 1,2 сая хүүхэд мөнгө авдаг. Үүнээс 1,1 сая хүүхэд мөнгөө хэрхэн авах сонголтыг хийжээ.

Эцэг эхчүүд хүүхдэдээ мөнгөн хуримтлалын талаарх сэтгэхүй, ач холбогдлыг нь сайтар ойлгуулах нь чухал. 

Хүүхдийн мөнгийг 0-18 нас хүртэл нь хадгалбал ирээдүйд 20-22 сая төгрөгийн мөнгөн хуримтлал үүснэ гэж тооцоолсон. 

Хэрэв ингэж 18 настай, дээрх хэмжээний хадгаламжтай болно ирээдүйн хөрөнгө оруулагч иргэнийг бий болгоно гэсэн үг. 

Энэ бол хүүхдийн ирээдүйн сургалтын төлбөр болох төдийгүй хөдөлмөрийн гараагаа эхлэхэд анхны хэрэглэгдэхүүн худалдаж авахад зарцуулах гэх мэтчилэн хуримтлалтай иргэнийг бий болгох дунд, урт хугацааны ач холбогдолтой бодлого.

Хүүхдийн мөнгөө Төрийн сан дээр хадгалах уу, эсвэл түүнээсээ татаж аван ашиглах уу гэдэг сонголт бий. Татаж аваад өөрийн сонгосон арилжааны банк дахь  хүүтэй хадгаламжид байршуулах эсвэл амьжиргаандаа зарцуулж болно. 

2022 оны долдугаар сарын 1-нийг хүртэл үргэлжлэх ба түүнээс хойш 50 мянган төгрөг нь хадгаламж болох, үлдсэн нь дээрх сонголттой байх зохицуулалтаар явна" гэлээ.