УИХ-ын Анхдугаар чуулган өнөөдрийн үдээс хойшхи хуралдаанаар УИХ-ын Байнгын хороодын дарга нарыг сонголоо.
УИХ-ын гишүүн Т.Аюурсайхан, Д.Тогтохсүрэн, Х.Булгантуяа нар УИХ-ын тухай хуульд нэмэлт, өөрчлөлт оруулах тухай хуулийн төслийг боловсруулсан УИХ-д өргөн барьсныг чуулганы өнөөдрийн үдээс өмнөх хуралдаанаар хэлэлцэн баталсан. Тус хуульд зааснаар УИХ өмнө нь 8 байнгын хороотой байсныг нэмэгдүүлж, нийт 11 байнгын хороотой болголоо.
Тус 11 байнгын хорооны даргаар УИХ-ын дараах гишүүдийг сонгов.
1. Аюулгүй байдал, гадаад бодлогын байнгын хорооны даргаар УИХ-ын гишүүн Б.Баттөмөр
2. Байгал орчин, хүнс, хөдөө аж ахуйн байнгын хорооны даргаар УИХ-ын гишүүн Х.Болорчулуун
3. Боловсрол, соёл, шинжлэх ухаан, спортын байнгын хорооны даргаар УИХ-ын гишүүн Ж.Мөнхбат
4. Ёсзүй, сахилга хариуцлагын байнгын хорооны даргаар УИХ-ын гишүүн Б.Бат-Эрдэнэ
5. Инноваци, цахим бодлогын байнгын хорооны даргаар УИХ-ын гишүүн Н.Учрал
6. Нийгмийн бодлогын байнгын хорооны даргаар УИХ-ын гишүүн М.Оюунчимэг
7. Төсвийн байнгын хорооны даргаар УИХ-ын гишүүн Б.Жавхлан
8. Үйлдвэржилтийн бодлогын байнгын байнгын хорооны даргаар УИХ-ын гишүүн Б.Чойжилсүрэн
9. Хууль зүйн байнгын байнгын хорооны даргаар УИХ-ын гишүүн С.Бямбацогт
10. Эдийн засгийн байнгын байнгын хорооны даргаар УИХ-ын гишүүн Ж.Ганбаатар
11. Төрийн байгуулалтын байнгын байнгын хорооны даргаар УИХ-ын гишүүн Л.Энх-Амгалан нарыг тус тус сонголоо.