Унгар улсад их, дээд сургуулиа төгсөөд олон сар хүнд байдалд байгаа оюутнуудын эх орондоо ирэх хүсэлтийг Улсын онцгой комисс хүлээн авч, шийдвэрлэжээ.

Улмаар агаарын тээврийн "Хүннү Эйр" ХХК-ийг Улаанбаатар-Будапешт-Улаанбаатар чиглэлд ээлжит тусгай үүргийн нислэг хийх зөвшөөрлийг олгосон байна. "Хүннү Эйр" ХХК уг тусгай үүргийн нислэгийг 2021 оны 03 дугаар сарын 03-ны өдөр үйлдэх аж.

Тус нислэгээр Улаанбаатараас Будапешт хот руу зорчих хүсэлттэй иргэдийг мөн зорчуулах бөгөөд зорчих иргэд дараах материалуудыг бүрдүүлнэ.

Та sales@hunnuair.com хаяг руу дараах материалуудыг илгээсний дараа Унгарын Элчин Сайдын яам материалд хяналт хийж зорчих иргэдийн нэрс тодорхой болж тийз бичигдэж эхлэнэ гэж "Хүннү Эйр" ХХК-иас мэдээллээ. 

  • Гадаад паспортын хуулбар
  • Визийн хуулбар
  • Улаанбаатар-Будапешт чиглэлд зорчих шалтгаанаа дэлгэрэнгүй бичих
  • Холбоо барих утас


Дэлгэрэнгүй мэдээллийг "Хүннү Эйр" ХХК-ийн дугаарт холбогдон авна уу.

Share