Шинэ коронавируст халдварын Монгол дахь нөхцөл байдлын талаар Эрүүл мэндийн яамнаас өнөөдрийн 17:00 цагт ээлжит мэдээллээ хийлээ.

Мэдээллийн үеэр ЭМЯ-ны Олон нийттэй харилцах, тандалт шуурхай удирдлагын хэлтсийн дарга Д.Нарангэрэл "Манай улсад өнөөдөр 11:00 цагаас мэдээлэл хийснээс хойш 8 хүнээс коронавирус илэрлээ.

Тодруулбал,

- Эхний тохиолдол болох жолоочийн ойрын хавтлын нэг хүн хүнээс

- 10 дугаар сарын 20-нд тусгай үүргийн онгоцоор ирсэн хүмүүсийн 4-өөс нь давтан шинжилгээгээр

- Алтанбулаг боомтоор орж ирсэн жолоочоос

- ХӨСҮТ-ийн нэг эмчээс коронавирус илэрлээ.

Улмаар Монгол Улсад коронавирусийн нийт 424 батлагдсан тохиолдол бүртгэгдлээ. 

24 цагийн дуудлага, мэдээллийн 119 дугаарын утас өнөөдрөөс өргөжиж, 21 аймаг, 9 дүүрэг, төрөлжсөн мэргэжлийн төв эмнэлгүүдэд эмнэлгийн тусламж үйлчилгээг зохицуулах, мэдээлэл зөвлөгөө өгөхөөр боллоо. Иймд иргэд аль болох эмнэлгийн байгууллага руу очихгүйгээр 119 дугаарын утсанд холбогдож, тусламж үйлчилгээний талаар зөвлөгөө, мэдээлэл аваарай" хэмээлээ.

Share