Монголбанкинд иргэдээс хамгийн их хүсдэг мэдээлэл, санал гомдол нь зээлийн мэдээллийн сантай холбоотой аж. Энэхүү мэдээллийн санд орсон зээлийн төлөлтийн хугацаа хэтрүүлсэн иргэд дахин банкны зээл авах боломжгүй болдог.
Зээлийн мэдээллийн санд:
Банк, банк бус санхүүгийн байгууллага, хадгаламж зээлийн хоршоо, санхүүгийн түрээсийн компани, төрийн байгууллага/эд хөрөнгийн улсын бүртгэлийн асуудал эрхэлсэн төрийн захиргааны байгууллага болон татвар, нийгмийн даатгал, гааль, эрчим хүч, шүүхийн шийдвэр гүйцэтгэх газар, үүрэн холбооны оператор компани болон хуулинд заагдсан бусад хуулийн этгээдүүд мэдээлэл нийлүүлдэг. Зээлийн мэдээллийн санд зээлдэгчийн зээл болон өр төлбөрийг дараах байдлаар ангилдаг. Үүнд:
- Зээл, зээлийн хүүгийн эргэн төлөлт 15 хүртэл хоног-Хэвийн
- 90 хүртэл хоног-Анхаарал хандуулах /хугацаа хэтэрсэн/
- 91-180 хоног-Хэвийн бус
- 181-360 хоног-Эргэлзээтэй
- 361-с дээш хоног-Муу
Хэрэв зээл болон төлбөр нь төлөгдөж дууссан бол мэдээллийг Зээлийн мэдээллийн санд нийлүүлэгдсэнээс хойш зээлийн эерэг болон сөрөг бүх мэдээллийг 6 жилийн дараа зээлдүүлэгч байгууллага ашиглах боломжгүй болно. Өөрөөр хэлбэл тухайн мэдээлэл нь Зээлийн мэдээллийн сангаас харагдахгүй болох юм.
Харин зээлийн мэдээллийн санд нийлүүлэгдсэн сөрөг мэдээллийг өөрчлөх тохиолдолд;
- Тухайн иргэн, аж ахуйн нэгж нь зээлийн мэдээллийг өөрчлүүлэх хүсэлтээ зээл олгогч байгууллагынхаа төвд нь гаргаж хууль журмын дагуу шийдвэрлүүлэх боломжтой.
- Монголбанк зээлдүүлэгч байгууллагаас ирүүлсэн хүсэлтийг харгалзан шалтгаан үндэслэлийг судлах ба өөрчлөлт оруулах шаардлагатай гэж үзвэл зөвхөн төлөгдсөн болон алдаатай нийлүүлэгдсэн зээлийн мэдээлэлд өөрчлөлтийг оруулна.
- Монголбанкинд даалгасан заалт бүхий шүүхийн шийдвэр гарсан тохиолдолд зээлийн мэдээлэлд өөрчлөлт оруулах зэргийг харгалзан үздэг.
Эдгээрээс бусад тохиолдолд Зээлийн мэдээллийн сан дахь сөрөг мэдээллийг өөрчлөх боломжгүй тул санхүүгийн харилцагч та төлбөрийн харилцаанд орох үүрэг хүлээсэн гэрээний дагуу төлбөр болон зээлээ цаг хугацаанд нь төлж байх шаардлагатай юм. Түүнчлэн та тухайн үйлчилгээний байгууллагын найдвартай үйлчлүүлэгч байх, сонгосон зээлээ төлж чадах эсэх чадамжаа тодорхойлж байж гэрээнд гарын үсэг зурж үүрэг хүлээхийг зөвлөж байна.
Монголбанкны Олон нийтийн боловсрол мэдээллийн төв
66.181.164.211
Хариулах 2019.07.25
Хас банкнаас зээлтэй хүн. 1хоног л хугацаа хэтэрсэн тохиолдолд Монгол банкны шууд найдваргүй чанаргүй зээлийн ангилалд орсон байдаг юм байналээ..Хас Банкнаас болохоор Монгол банк автоматаар татдаг гэсэн хариу хэлсэн.Хэрэв тийм бол энэ нь өөрөө хууль дүрэм журамтайгаа зөрчилдөж байгаа гэж бодном. Тэгээд тухайн хүн нь хугацаагаа хэтрүүлээд зээлээ төлсөн байсан ч гэсэн тэр дороо нээгдэхгүй байдаг юм байналээ. үнэхээр л автомат системтэй юм бол буцаад тэр доороо нээгдэх ёстой гэтэл Хасбанкруу ярихаар ажлын 2с 3 хоногт шийдвэрлэдэг гэх юм. Хас банк ингэж хүнд суртал гаргахаа больмоор байнадаа. Бас болоогүй ээ. Монгол банкнаас танайх үнэхээр ингэж шууд татдаг юмуу гэтэл Манайх тийм юм байхгүй ээ. Манайхруу тухайн аж ахуй нэгж болон банкны зээлийн мэдээлийн ажилтан нь хүсэлтээ өгдөг байгаа гэсэн юм. Ингээд харахаар яалт ч гүй л Хас банкны хүнд суртал юмуу ямар бодлогын зарчим нь юм байгаан бүү мэдээ. иймэрхүү асуудалтай тулгарсан хүн олон байгаадаа.
0 0