Судалгаагаар энэ зууны сүүл гэхэд туйлын баавгайнууд уур амьсгалын өөрлөлтөөс үүдэн устаж үгүй болох магадлалтай гэжээ. 

Шинжээчдийн хэлж буйгаар Арктикийн далай хайлахын хэрээр тэндэхийн оршин суугчид өөрсдийн амьд гарах тэмцлийг эхлүүлсэн юм. 

Харин махчин амьтад нь Арктикийн далайн мөсөнд тулгуурлаж далайн хавуудыг барьж иддэг. Мөс хайлж хуваагдах тусам амьтад үр төлөө тэжээж, хүнс олохын тулд урт замыг туулах эсвэл эргээр хэсүүчлэх шаардлагатай болж буй.

Баавгай нь уур амьсгалын өөрчлөлтийг харуулах зурагт хуудасны л гол дүр болж байгаа хэмээн Торонтогийн их сургуулийн доктор Петр Молнар хэлжээ. 

Энэ талаар Туйлын баавгай судлалын ахлах шинжээч Др.Стивэн Амстур "Бидний судалгаагаар бамбаруушнууд төрөх хэдий ч, эх нь хангалттай сүү боловсруулах хэмжээнд хүнс олж чадахгүй учир тэд хүйтний улирлыг давахгүй. Бидний хэн нь ч хоол хүнсгүй удаан тэсэхгүй шүү дээ. Тэр бол бүх л амьтны биологийн бодит байдал юм. Одоогийн нөхцөл тийм сайнгүй ч хэрэв бид сэтгэл санаа шулуудвал туйлын баавгайнуудыг аварч чадна. Хэрэв бид тэднийг аварч чадвал дэлхийгээ ч аварч чадна" гэжээ.

Энэ их хүлэмжийн хийн хохирлын улмаас туйлын баавгайн бүх төрөл устаж үгүй болохгүй ч хэд хэдэн төрлийн туйлын баавгай 2100 он гэхэд үгүй болох юм. 


Эх сурвалж: BBC


Share