Эрүүл мэндийн сайд Д.Сарангэрэлийн саналын дагуу коронавирусээс урьдчилан сэргийлэхийн тулд сургууль, цэцэрлэгийг түр хаах асуудлаар Улсын онцгой комисс өнөөдөр хуралдлаа.

Хуралдаанаар сургууль, цэцэрлэгийг ирэх даваа гарагаас эхлэн гуравдугаар сарын 2-ныг хүртэл хаахаар шийдвэрлэв. 

Мөн дээрх хугацаанд урд хөрштэй хиллэж буй боомтуудыг хаах асуудлыг Засгийн газрын хуралдаанаар эцэслэн шийдвэрлэх аж.

"Улсын онцгой комиссын шийдвэрийн дагуу Засгийн газар холбогдох шийдвэрүүдийг гаргана. Монголд тус вирусын тохиолдол бүртгэгдээгүй ч БНХАУ-д хурдтай тархаж буй учир ийм шийдвэр гаргасан" гэдгийг Улсын онцгой комиссын дарга, Шадар сайд Ө.Энхтүвшин хэллээ.