Хоёр сарын өмнө миний хоёр дахь хүү хорвоод мэндэлсэн юм. Би төрөх үйл явцыг ямар хөнгөн, тухтай байсныг гайхаад барашгүй. Мөн энэ хоёр сарын хугацаа маш тайван, нам гүм байсан гээч (хүүхдийн уйлах чимээний хувьд).

Үүний төлөө би хятад асрагчид талархах ёстой, учир нь бид хүүхдийнхээ эхний гурван сарын амьдралд туслуулах гэж асрагч хөлсөлсөн юм. 

Хятад хүмүүсийн хувьд бол шинэхэн ээжийг амаржсаны эхний сар туслах хүн зайлшгүй байх хэрэгтэй. Энэ үеийг "confidenement" буюу хязгаарлалт гэж болно. Харин тусгай асрагч нарыг "confinement nanny" гэж нэрлэнэ.


Хязгаарлагдмал практик гэж юу вэ (confinement)? 

Хязгаарлагдмал практик гэдэг нь төрсний дараах уламжлалт практик буюу шинэхэн ээжид төрсний дараах болон төрөх үйл явцын үр дагавараас сэргийлэхэд туслана. Уламжлалт ёсоор эх хүүхэд хоёр хорионд буюу гэрийн “хөл цээр-карантин”-д орно. Ийм төрлийн аргыг хятад, малай болон индианчууд хэргэлдэг. Энэ арга нь шинэхэн ээжид туслаж, биеийн болон сэтгэлийн хүчийг нөхөн сэргээхэд тусалдаг байна.

Орчин үеийн ээжүүд амьдралдаа энэ практикыг хуучимсаг хэмээн бодож хэрэгжүүлдэггүй, харин зарим ээжүүд үүнийг хэрэгжүүлдэг байна.

Энэ практикийн зарим дүрмүүдийг хүргэе:

  • Үс угаахыг хориглоно 
  • Хүйтэн зүйлээс хол байх: хүйтэн ус уух, хүйтэн сэнс, агааржуулагчаас хол байх
  • Зөвхөн тусгай зориулалтын ургамалаар бэлдсэн бүлээн усанд орох
  • Бариа буюу гэдэсний хэсгийн иллэг 

Уламжлал ёсоор шинэхэн ээжийг түүний эх нь юм уу хадам эх нь асардаг. Бид одоо Сингапурт амьдарч байгаа, энд уугуул хятадууд тусгай асрагч нарыг хөлсөлдөг.

Асрагч маань усгай дэглэм нь сүүний гарцыг сайжруулж, хүүхдийн гэдсийг өвдөхөөс сэргийлж, намайг тайван амар амгалан, аз жаргалтай, сэтгэл хангалуун болгоно гэж хэлсэн.Түүний хэлснийг би үл тоомсорлосон ч асрагч маань хийх ёстой зүйлээ 100% хийж чадсан. Хийсэн бүх зүйлс нь хүүхэд бид хоёрт эергээр нөлөөлсөн. Тиймээс би түүний зөвөлгөөнөөс бие дааж хийж болох зөвөлгөөнүүдийг та бүхэнтэй хуваалцахаар шийдсэн юм.

"Confinement nanny"-ийн хоолны нууц

Төрсний дараах гам барьж байгаа үед эх тодорхой хоолны дэглэм барих хэрэгтэй. Энэ дэглэм нь хятадын уламжлалт анагаах ухаан болон түүний онол болох бүх бүтээгдэхүүн биен дотор ороод «халуун» энерги (ян ойлголт) эсвэл биен дотор ороод «хүйтэн» энерги (инь ойлголт) үүсгэх боломжтой онол дэээр суурилсан юм.

Бүтээгдэхүүнийг ихсэх уруудах дулаанаар ялгах санаа нь инь ян хоёрын хоорондох тэнцвэртэй холбоотой. Уламжлал ёсоор, ази хүмүүсийн тэр тусмаа хятадуудын эдгээр элементүүдийн тэнцвэргүй байдал нь хэд хэдэн зүйл тодорхойлдог: сэтгэл хөдлөл (ядрах, сульдах, цочромтгой болох) болон биеийн байдал (халуурах, хоолой өвдөх, нус гоожих, батга, гүн шар өнгийн шээс).

Дулаацуулдаг бүтээгдэхүүнүүд наранд дуртай, чихэрлэг эсвэл халуун ногоотой, хуурай эсвэл хатуу, тослогоор баялаг эсвэл натриягаар баялаг байдаг. Харин сэрүүцүүлдэг бүтээгдэхүүнүүд нарны бага тусгалд ургаж, тослоггүй, нойтон, зөөлөн, калиар баялаг.

Зарим сэрүүцүүлдэг бүтээгдэхүүн: банан, лийр, грейпфрут, тарвас, мандарин, гүзээлзнэнэ, хан борогцой, улаан лооль, хятад гашуун хулуу, өргөст хэмх, брокколи, цэцэгт байцаа, далайн бүтээгдэхүүн; гаа, өндөгний цагаан, хавч, йогрут, тараг.

Төвийг сахисан бүтээгдэхүүн: чангаанз, папая, алим, инжир, нандин чавга, бөөрөлзгөнө, үзэм, манжин, лууван, төмс, хулуу, амтат төмс, брюссель байцаа, будаа, вандуй, наранцэцэгийн үр, мөөг, зөгийн бал, розмарин, сүү, өндөгний шар, үхрийн мах, гахайн мах, нугас.

Зарим дулаацуулдаг бүтээгдэхүүн: интоор, үхрийн нүд, манго, усан үзэм, грейпфрут, тоор, сармис, ногоон сонгино, сое масло, уксус, хушга, чангаанзны үр, перц, шанцай, бор сахар, кофе, тахиа, сам хорхой, үхрийн мах. 

Үүнээс гадна хоолыг хэрхэн хийсэн нь чухал. Жишээ нь, үхрийн мах бол төвийг сахисан бүтээгдэхүүнд тооцогддог. Хэрэв үхрийн махыг гриль дээр болгож, хүчтэй галаар шарвал мах дулаацуулдаг бүтээгдэхүүн болно.

Төрсний дараа биен дотор ороод дулааныг ихэсгэдэг бүтээгдэхүүн хэрэглэх хэрэгтэй. Энэ нь таны цусны эргэлт, сүүний гарцыг нэмэгдүүлж, үе мөчийг бэхжүүлж, эх хүүхдийг гэдэсний өвчин, үс уналт болон хөгширөлтөөс сэргийлнэ. Харин сэрүүцүүлдэг бүтээгдэхүүнээс аль болох зайлсхийх хэрэгтэй. Эдгээр бүтээгдэхүүнүүд эсрэг нөлөө үзүүлж мэднэ, эхийн үе мөчийг сулруулж, артритийг үүсгэх магадлалтай. 

Би энэ дэглэмийг 100% дагаж мөрдөөгүй. Учир нь өдөр бүр махан бүтээгдэхүүн хэрэглэх хэрэгтэй, голдуу гахайн мах. Би эдгээр зөвөлгөөнүүдээс цаашид ашиглах хэд хэдэн үндсэн дүрмийг өөрт олж авсан.


Миний дагаж мөрдөж байсан дүрэм:

  1. Эхний сар огт ус уугаагүй. Зөвхөн бүлээн тэжээл болон компот. Эхний хоёр долоо хоног өдөр бүр улаан буурцагны шөл ууж байсан.
  2. Шинэхэн загасыг өдөр бүр идсэн. Шинэ загас нь дотор эрхтэний эдгэрэлтэнд сайнаар нөлөөлдөг.
  3. Сэрүүцүүлдэг бүтээгдэхүүнээс хол байх. Өргөст хэмх, самар, бууцай, тарвас зэрэг бүтээгдэхүүнүүд багтана.
  4. Цагаан гааг тогтмол хэрэглэсэн. Өдөр бүр асрагч 2 гааны үндсийг жижиг үрэгчээр үрдэг байсан. Үрсэн цагаан гааг бүхий л төрлийн хоолондоо нэмэж хийдэг. 
  5. Өдөр бүр цагаан гаатай цай уудаг байсан. Үрээд бэлдсэн цагаан гаан дээр буцалсан ус хийж дээрээс нь хүссэн хэмжээгээрээ зөгийн бал хийнэ. Эхний долоо хоногтоо өдөрт нэг аягыг ууж байсан бол дараагийн долоо хоногоос өдөрт хоёр болон түүнээс дээж аягыг ууж хэрэглэж болно. 
  6. Цагаан гаа нь хүүхдийн гэдэсний гүрвэлзэх хөдөлгөөнийг дэмжиж, гэдэс өвдөхөөс сэргийлнэ. Миний том хүү гэдэс нь өвдөснөөс болж өдор бүр уйлж, шөнө унтаж байхдаа ч уйлдаг байсан. Харин хоёр дахь хүү маань огт уйлалгүй, тайван унтдаг.
  7. Олон төрлийн хоолоор хооллож, их иднэ. Ногоон навчит ногоо, зэрлэг будаа, мөөг, самар, жимс, загасны яс папаятай шөл. Энэ шөл нь сүүний гарцыг нэмэгдүүлдэг, папаяа загасны махтай нийлснээр илүү их нөлөө үзүүлдэг хэмээн үздэг.
  8. Өөр аргаар дотор дулааныг дэмжиж байсан. Дулаан гутал өмсөж, дулаан хувцас өмсөж, агааржуулагчийн доор суулгүй, зөвхөн халуун шүршүүрт ордог байсан.

Манай асрагч анх ирэхдээ маш олон төрлийн ургамал, жимс жимсгэнэ болон миний мэдэхгүй сэжигтэй орцуудаар шидэт ус бэлтгэж эхлэх үед би өөрийгөө хэрэглэж чадна хэмээн эргэлзэж байсан.

Өөрийнхөө болон хүүхдийнхээ эрүүл мэндийн төлөө би эмч рүү залгасан. Эмч хэлэхдээ санаа зовох хэрэггүй, сайн ч нөлөө үзүүлэхгүй муу ч нөлөө үзүүлэхгүй хэмээн эвтэйхнээр хариулсан юм. 

Би цагаан гааны ач тус уу эсвэл өөрөө өөртөө итгүүлсэн үгүйгээ мэдэхгүй, гэхдээ энэ удаад хүү бид хоёр өөрсдийгөө маш сайнаар мэдэрч байна. Үүнийг бүх эх хүүхдүүдэд хүсэж байна!