Монголын анхны авто машины үйлдвэр "Барс моторс" Хятадын Ханжоу хотод нээлтээ хийжээ.

БНХАУ дахь тус компанийн угсрах үйлдвэрийн шугамын нээлтэд Улаанбаатар хотын захирагч бөгөөд Нийслэлийн Засаг даргын зөвлөх М.Мэнд-Очир оролцсон байна. "Барс моторс" компани Монгол дахь үйлдвэрийн нээлтээ ирэх жилээс хийх юм. Тэд монголчуудад зориулагдсан анхны цахилгаан машиныг үйлдвэрлэхээр зэхэж буй. Эхний машинууд худалдаанд гарсан ч хэмжилт, судалгааны түвшинд яваа аж.

Энэхүү төсөл дээр Монголын хамгийн анхны автомашин угсрах үйлдвэрийн төслийг удирдсан "Барс Моторс" компаний захирал Д.Дэмбэрэл, "Агт ауто" компаний ТУЗ-ын дарга Э.Тамир, гүйцэтгэх захирал Б.Одончимэг, УЗ-ын гишүүн Б.Даваасүрэн нар 8 сарын турш ажилласан байна.

Тус машины нэр нь "Мозо" буюу Монгол зон олон гэсэн үгний товчлол аж. Эхний ээлжинд дунд оврын жип машиныг худалдаанд гаргахаар төлөвлөөд буй.