Өнөөдөр вакцинжуулалтын байнгын 21, түр 14, нийт 35 цэг ажиллаж байгаа талаар бид өмнө нь мэдээлсэн. Тэгвэл ХӨСҮТ-өөс дахин таван цэг нэмж, нийт 40 цэг ажиллаж байна. Эдгээрт нийт 360 орчим эмч, эмнэлгийн ажилтан ажиллаж, өнөөдөр 13470 иргэнийг вакцинжуулалтад хамруулахаар төлөвлөсөн. Харин 18:00 цагийн байдлаар 8110 иргэн буюу төлөвлөсөн хүнийхээ 60.2 хувийг дархлаажуулаад байна. Тодруулбал,

Баянгол дүүрэгт               1691

Баянзүрх дүүрэгт              1636

Сүхбаатар дүүрэгт            1312

Сонгинохайрхан дүүрэг     572

Налайх дүүрэг                    449

Чингэлтэй дүүрэг                360

Багануур дүүрэг                 243

Багахангай дүүрэг               40 иргэнийг тус тус вакцинжуулжээ.

Монгол Улсын хэмжээнд коронавирусийн эсрэг вакцинжуулалт өнгөрсөн хоёрдугаар сарын 23-наас эхэлсэн. Цаашид өдөрт 15-20 мянган хүнийг вакцинд хамруулах бөгөөд долдугаар сар гэхэд нийт хүн амынхаа 60 хувь буюу насанд хүрсэн бүх хүнийг дархлаажуулахаар төлөвлөж буй юм.