Үндсэн хуулийн цэц үндэстнийхээ эсрэг шийдвэр гаргав уу

Монгол Улсын Үндсэн хуулийн цэцийн өнөөдрийн их суудлын хуралдаанаар Ашигт малтмалын тухай хуулийн 47 дугаар зүйлийн 47.1 дэх хэсэг, 47.3 дахь хэсгийн 47.3.1, 47.3.2 дахь заалт, 47.4 дэх хэсэг, 47.5 дахь хэсгийн 47.5.11, 47.5.12, 47.5.13 дахь заалт нь Үндсэн хуулийн холбогдох заалтыг зөрчсөн эсэх тухай маргааныг дахин хянаж эцэслэн шийдвэрлэсэн тухай Цэцийн хэвлэл, мэдээллийн төлөөлөгч мэдээлсэн юм.

Энэхүү шийдвэрээр цайрт минерал зэрэг бүх зэс, алт, нүүрс, төмөр, цайрын уурхайнууд энэ татварыг төлөхгүй болж байгаа юм. Үндсэндээ ашигт малтмал уурхайн эздийн өмч болчихож байгаагаас өөрцгүй шийдвэрийн Үндсэн хуулийн цэц ийнхүү гаргалаа. Үр дагавар нь үй түмэн асуудлыг дагуулна. Хамгийн наад зах нь төсвийн орлого 1.3 их наяд төгрөгөөр улс дутах нь. 

Уг шийдвэрийг олон нийт төдийгүй улс төрч, эдийн засагч нар ч бухимдан хүлээж авсан тэд үзэл бодол байр сууриа хэрхэн илэрхийлснийг хүргэж байна.

Монгол Улсын Сангийн сайд Ч.Хүрэлбаатар:

Ноцтой мэдээ... Үндсэн хуулийн цэцийн гишүүд ээ. Та нарын өнөөдрийн шийдвэрээр ашигт малтмалын нөөц ашигласны татвар үгүй болж төсвийн орлого жилд 1.3 их наяд төгрөгөөр буурахад хүрч байна. Товчхондоо Ашигт малтмал ард түмний өмч биш компаниудын өмч болж байна. Арай ч дээ!!!

— Khurelbaatar Chimed (@KhurelbaatarCh) October 30, 2019

Монголыг хорлож сэтгэл нь цаддаггүй, үг үйлдэл нь алхам тутамдаа зөрсөн хэдэн хулгайч, гар хөл болсон хөлсний хэдэн юмаа аваад зайлаад өгдөггүй юм байх даа, ёстой дургүй зэвүү хоёр зэрэг хүрчлээ.

— Khurelbaatar Chimed (@KhurelbaatarCh) October 30, 2019

Эдийн засагч Л.Наранбаатар:

З.Энхболдын найз Бямбасүрэн гуай Цензургүйгээр үсэрч гарч ирээд Мөнхбаясгалантай ярилцаад роялти баяжуулах үйлдвэрүүд төлөх хэрэггүй гээд тэрийг нь З.Энхболд сэвж жиргээд байсан учир олдож байх шив. Цэцийн дүгнэлт Срато нүүрс баяжуулах үйлдвэрийг татвараас зувчуулж байна. pic.twitter.com/u1MC8ctIuY

— Лүндэгийн Наранбаатар (@Naranbaatarl) October 30, 2019

“Энержи ресурс” ХХК-ийн гүйцэтгэх захирал Г.Батцэнгэл



Цэц хүчингүй болгосон гэх хуулийн заалтууд нь энэ байна. Энэ салбарт ажилладаг хүний хувьд хараад гайхад сууж байна Цэц рояльтитай холбоотой гол залтуудыг хүчингүй болгосон байх юм Хуульчид мэргэжлийн тайлбар өгөх байлгүй дээ?  pic.twitter.com/nRsIBEmjTM

— BB (@batt1972) October 30, 2019


 ХҮН-ын дарга Б.Найдлаа:



ҮХ-ийн үл ялих заалт, ҮХЦ-ийн үл анзаарагдам гишүүд улс оронд яаж гай тарьж болохыг захаас нь харуулж байна даа. Одоо цагт тусгаар тогтнол цэрэг танкаар биш иймэрхүү сувгаар л аюулд орно. ҮХ өөрчлөлтийн заалтууд зөв эсэх дээр дахин сайн бодтугай...

— Badrakh Naidalaa (@Naidalaa) October 30, 2019