Энэ сарын 23-нд Гашуунсухайт, өчигдөр Шивээхүрэнгийн боомтыг нээж, нүүрсний экспортыг эхлүүлсэн юм. Тэгвэл өчигдрөөс Хангийн боомтын нүүрс экспортолж эхэллээ.

Ингэхдээ хилээр гарч байгаа тээврийн хэрэгслүүдэд нэн тэргүүнд ариутгал, халдваргүйжүүлэлтийг хийж, мөн жолооч, зохицуулагч операторууд халдвар хамгааллын хувцас хэрэгсэлтэй, тусгай журмын дагуу тээвэрлэлтийг гүйцэтгүүлэх шаардлагыг мэргэжлийн байгууллагууд тавьж байна.

Энэ талаар Сангийн сайд Ч.Хүрэлбаатар ийнхүү жиргэжээ.

Сайн мэдээ... Өнөөдөр Хангийн боомтоор нүүрс экспортолж эхэллээ. Ийнхүү нүүрс экспортлох 4 дэх боомт нээгдэж байна. Замын үүд, Гашуун сухайт, Шивээ хүрэн, Ханги гэсэн 4 боомтоор нүүрс гарч байна pic.twitter.com/yUSNQv4MIn

— Khurelbaatar Chimed (@KhurelbaatarCh) March 31, 2020