“Гэрэгэ системс”-ийнхэн иргэдийн эрүүл мэндийн төлөө системээ нээжээ

“Гэрэгэ Системс” ХХК төлбөрийн асуудлаас үүдэн ЭРҮҮЛМН системийг хаасан билээ.

Тус компаниас ОБЕГ-т төлбөрийн талаар удаа дараа сануулж, мэдэгдсэн ч 04, 05 дугаар сарын төлбөрийг өнөөг хүртэл төлөөгүй байсан юм. Үүнээс үүдэн иргэд хариугаа авч чадалгүй бухимдал үүссэн тул хэдий төлбөрөө авч чадаагүй ч системээ нээхээр болжээ.

Энэ талаар “Гэрэгэ Системс ХХК мэдэгдэлдээ ийнхүү дурджээ.

"Манай байгууллага гэрээнд заасан ажлынхаа төлбөрөө 4 сараас хойш аваагүй учир гэрээний дагуу зогсоохоос аргагүй байдалд хүрсэн. Бидний ажлын хөлсийг өгөөгүй байгаа хэдий ч иргэдийнхээ эрүүл мэнд, амь нас, цар тахалтай тэмцэж буй эмч, ажилтнуудын цаг наргүй хөдөлмөр, хичээл зүтгэлийг хараад тэвчиж чадсангүй. Иймээс төлбөр мөнгөө авахыг урьтал болголгүйгээр системээ хэвийн ажиллагаанд оруулахаар боллоо”