Цар тахлын хязгаарлалтын улмаас Хятадын Жэнжоуд байрлах Iphone утасны эх биеийг угсардаг үйлдвэр бүрэн хүчин чадлаараа ажиллах боломжгүй болжээ.

Тиймээс Iphone 14 Pro болон Iphone 14 Pro Max утсыг захиалсан хэрэглэгчид нэлээдгүй удаан хүлээх шаардлагатай тулгарч байгааг Apple компаниас мэдэгдлээ. 

Reuters агентлагийн тооцоолсноор Iphone утасны Хятад дахь үйлдвэрлэл дор хаяж 30 хувиар буурсан аж.  

Хятад улсад коронавирусын дэгдэлт өндөр байгаа төдийгүй цар тахалтай тэмцэх зорилгоор авч хэрэгжүүлж буй арга хэмжээнүүд дэлхийн эдийн засагт сөргөөр нөлөөлж буй. Тиймээс Apple компани Iphone утасны үйлдвэрлэлийг Хятад улсаас илүүтэй Энэтхэгт төвлөрүүлэх бодлого баримтлан ажиллаж байгаа ажээ.


Эх сурвалж: The Verge

Share