Сүүлийн үед крипто валютын талаар багагүй ярих боллоо.  Орос, Японд аль хэдийнэ өргөжиж бүр хууль эрх зүйн хүрээнд шийдэгдэж байна. Тэгвэл "Эгэрэг" компани Монголын зах зээлд эгэрэг хэмээх цахим мөнгийг  ирэх онд гаргах гэж байна

Энэхүү цахим мөнгөний давуу тал нь блокчэйн дээр суурилсан, төвлөрсөн удирдлагатай буюу хэзээ ч унтрааж устгах боломжгүйгээр бичигджээ. Эгэрэгээр гүйлгээ хийхэд гадаад дотоодын гүйлгээний шимтгэл маш бага болох, цаасан мөнгөний хэрэглээний зардал багасах гээд олон давуу талтай. 

"Эгэрэг" платформыг санаачлагч М.Хасчулуу  банкны салбарт өөрчлөлт авчирах энэ үйл явдлын талаар ярихдаа “Бид Монголд цахим мөнгө гаргаж үйлчилгээнд нэвтрүүлэх зорилготой. Одоогоор туршилтын ажил дууссан. Ирэх оноос цахим төлбөрийн системийн тухай хууль үйлчилж эхэлнэ. Уг хуульд зааснаар 1 эгэрэг 1 төгрөгийн ханштай байна” хэмээн мэдээлэв. 

Дэлхийн 90 гаруй төв банк блокчэйнийг судлахаар ажлын хэсгүүд байгуулан ажиллаад эхэлсэн. Монгол банк ч бас энэ талаар судалж байгаа ажээ.