Харилцаа холбоо, мэдээлэл технологийн газар үндэсний үйлдвэрлэгчдийг цахим худалдаагаар дэлхийд тэргүүлэгч “Amazon”-оор бараа, бүтээгдэхүүн борлуулах боломжийг нээх чиглэлд "Amazon.com" компанитай хамтран ажиллаж эхэлснээ сарын өмнө мэдэгдэж байсан. 

Тэгвэл өчигдөр ХХМТГ О. Болор-Эрдэнэ өөрийн фэйсбүүк хуудастаа "Amazon.com-ын Сиэтл дэх удирдлагатай  сар гаруй хамтран ажилласаны үр дүнд нааштай шийдэж, тун удахгүй Монгол Улсаас тус сайтаар бараа бүтээгдэхүүн албан ёсоор худалдах боломжтой болж байна. Өөрөөр хэлбэл, үндэсний үйлдвэрлэгчид гурав сая хүн амтай зах зээлд биш тэрбум хүнтэй зах зээл рүү онлайнаар бараа, бүтээгдэхүүнээ гаргах боломжтой болох юм." гэсэн пост оруулжээ.  

Өнөөдрийн байдлаар дэлхийн 103 улс орон Амазон сайтад бүртгэлтэй байна. Тус сайтаар бараа борлуулдаг 93 орны 1046 худалдаа эрхлэгчдийн дунд “Jungle Scout” хийсэн судалгаагаар 67% нь анхны жилээсээ ашиг олж эхэлсэн, 86% нь ашигтай ажилладаг гэжээ. 

Ашгийн медиан дундаж утга 1000$-5000$ бол судалгаанд оролцогчдын 24% нь долоо хоногт ердөө 4-10 цагийг сайтад зарцуулдаг байна. Мөн судалгаагаар хамгийн ашигтай барааны төрөлд “гар хийц” орж байгаа нь Монголчуудын хувьд тун таатай мэдээ байх нь гарцаагүй.