Урлагийн салбарт харьцангуй шинэ боловч олонд хурдан хугацаанд танигдсан маргаангүй гоо үзэсгэлэнтэй бүсгүй Дилраб Дилмурат нь Уйгар үндэстнээс гаралтай. Тэрээр Урумчи, Шинжаан мужын уугуул байна. Sina News-ийн мэдээлснээр 26 настай Дилмурат нь Хятадын телевизийн хамгийн нэр хүндтэй гурван шагналын нэг болох “Алтан Бүргэдийн Дарь Эх” шагналыг хүртжээ. 

2016 онд сонгогдсон мэргэжлийн шүүгч нар түүнд энэхүү шагналыг “Үзэсгэлэнтэй Ли Хью Зен”, “Дөлний охин”, “Амттай зүүд” зэрэгкинонд бүтээсэн дүрүүдэд нь өгөхөөр шийдвэрлэжээ. Таван жилийн жүжиглэлтийнхээ явцад тэрээр олон уран бүтээлд туслах болон гол дүрүүдийг бүтээжээ.

Мөн тэрээр хамгийн нэр нөлөөтэй арван зар сурталчилгааны кино одын нэгт багтжээ.


Тэр жүжиглэх авьяас чадвараасаа гадна өвөрмөц гоо үзэсгэлэнгээрээ танигдсан. Энэ нь мэдээж түүний гарал үүсэлтэй хамааралтай. Уйгар үндэстэн нь Хятадад хамгийн их хавчигдаж байгаа үндэстэн юм.

Өөрийн өвөрмөц гоо сайхны ачаар тэрээр хэд хэдэн сэтгүүлийн нүүрэн дээр гарснаас гадна L’Oreal, Mikimoto-ийн брэнд төлөөлөгч ажээ.