Ардчилсан намаас Ерөнхийлөгчийн сонгуульд оролцох хүнийг тодруулах намын дотоод сонгууль өнөөдөр явагдаж, дүн нь гарлаа. Хоёр хуваагдсан АН тус тусдаа хүмүүсээ сойж, сунгааг ч тусдаа явуулав.
Улмаар О.Цогтгэрэлийн гэх АН-аас:
- Ерөнхий сайд асан, УИХ-ын гишүүн Н.Алтанхуяг,
- УИХ-ын гишүүн, АН-ын бүлгийн дарга Д.Ганбат,
- МАХН-аас УИХ-ын гишүүнээр сонгогдсон ч хоёр хоногийн өмнө АН-д элссэн С.Ганбаатар нар өрсөлдөж, Н.Алтанхуяг хамгийн олон санал авчээ.
Тэгвэл Н.Тулгатын гэх АН-аас
- Ерөнхий сайд асан Р.Амаржаргал
- АН-ын дарга болон УИХ-ын гишүүн асан С.Эрдэнэ
- УИХ-ын гишүүн асан Л.Гүндалай
- УИХ-ын гишүүн асан Ц.Оюунгэрэл нар өрсөлдсөнөөс С.Эрдэнэ хамгийн олон саналыг авчээ.
Улмаар Дээд шүүх дарга нарыг нь бүртгэхээс татгалзсан АН-ын 2 хэсэг тусдаа тусдаа хүмүүсээ Ерөнхийлөгчид дэвшүүлэхээр болж байна.
Тодруулбал, нэгээс нь Н.Алтанхуяг, нөгөөгөөс нь С.Эрдэнэ нэр дэвшихээр горилж, материалаа СЕХ-нд бүрдүүлж өгөх нь. Чухам СЕХ хэнийг нь Ерөнхийлөгчид нэр дэвшигчээр бүртгэх бол гэсэн хүлээлт үлдэж байна.
АН-аас Ерөнхийлөгчид нэр дэвшихээр намын дотоод сунгаанд орсон 7 эрхэм /Х.Тэмүүжин нэрээ татсан./
64.119.23.134
Хариулах 2021.05.02
Erdeniig zailuul
0 0