2020-2021 оны хичээлийн жилд нийслэлийн төрийн өмчит сургуулиудын нэгдүгээр ангид элсэн суралцах зургаан настай хүүхдүүдийг өнөөдрөөс цахимаар бүртгэж эхэллээ.

Цахим бүртгэл /Parent.esis.edu.mn/ сайтаар явагдах бөгөөд 2020 оны 08 дугаар сарын 03-ны 08:00 цагт эхэлж, 08 дугаар сарын 27-ны 17:00 цагт хаагдах юм.  

Нэгдүгээр ангид 2014 оны нэгдүгээр сарын 01-нээс 12 дугаар сарын 31-ний хооронд төрсөн зургаан настнуудыг элсүүлнэ.


Эцэг эх, асран хамгаалагч нь дараах зааврын дагуу хүүхдүүдээ цахимаар бүртгүүлнэ.

1. https://parent.edu.mn/ системд өөрийн цахим шуудангийн хаягаа ашиглан шинэ хэрэглэгчээр бүртгүүлнэ.

2. Системд хэрэглэгчийн эрхээр нэвтрэн орж, хувийн мэдээллээ оруулж баталгаажуулна.

3. Хүүхдийнхээ регистерийн дугаарыг бүртгэлийн хэсэгт оруулж,  хамран сургах тойргийн аль сургуульд элсэх боломжтойг харна.

4. Элсэх хүсэлтээ илгээнэ.

5. Илгээсэн мэдээллийг сургуулийн сургалтын менежер хүлээн авч шийдвэрлэнэ.


Санамж

  • Зөвхөн нийслэлийн 9 дүүргийн сургуулиудын хамран сургах тойргийн хаягт хамаарах оршин суух хаягтай хүүхдийн элсэх хүсэлтийг цахимаар бүртгэнэ.
  • Цахимаар бүртгүүлэх боломжгүй иргэд хамран сургах тойргийн сургууль дээрээ өөрийн биеэр очиж бүртгүүлнэ.
  • 2014 оны нэгдүгээр сарын 01-нээс 12 дугаар сарын 31-ний хооронд төрсөн хүүхэд нэгдүгээр ангид цахимаар бүртгүүлнэ.
  • Гадаадын иргэн харъяатын хувьд элсэх хүсэлтийг цахимаар бүртгэхгүй.
  • Элсэх хүсэлтийг зөвхөн нэг удаа гаргана.
  • Ерөнхий боловсролын сургуульд бүртгэлтэй сурагчийг элсэгчээр бүртгэх боломжгүй.
  • Цахим бүртгэл 2020 оны 08 дугаар сарын 28-ны 17:00 цагт хаагдана.


Хүүхдээ цахимаар бүртгүүлэх бол ЭНД дарж, бүртгэлийн систем рүү шилжинэ үү.

Таны хүүхэд харъяаллаараа аль сургуульд хамрагдахыг ЭНД дарж харна уу.