УИХ-ын чуулганы өнөөдрийн нэгдсэн хуралдаан эхэллээ. Хуралдаанаар өнөөдөр хэлэлцэх асуудлуудын талаар гишүүд санал хэллээ. 

Энэ үеэр УИХ-ын гишүүн УИХ-ын гишүүн С.Жавхлан "Сонгуулийн тухай хуулийн төслийн зарчмын зөрүүтэй саналд урлагийг нээх санал хүргүүлсэн. Уг саналыг өчигдөр Төрийн байгуулалтын байнгын хороо хэлэлцээд хүлээж авсангүй. Тус байнгын хорооны гишүүдэд эмгэнэл илэрхийлье. Ээжээс бүүвэйн дуу сонсож өсөөгүй юм шиг шийдвэр гаргасан байна. Үе үеийн бүх хувьсгал дуугаар гарсан байдаг. Хонхны дуу, Улаан тугийг мандуулаад улсын сүрийг бадруулаад гэсэн дуугүйгээр төсөөлөшгүй. Монгол түмэн найр, наадмаа дуугүйгээр хийдэггүй, дуучин түмэн олон. Үүнд эсрэг санал өгсөн бүх гишүүнийг зарлана. 

2020 оны сонгууль нэгнийгээ хараасан, хараал өргөдөг сонгууль болох гэж байна. Ядаж дуу хуураа нээгээд өгөөч гээд зарчмын зөрүүтэй санал оруулахад унагасан байна. Энэ саналыг буцааж оруулж ирж, Сонгуулийн тухай хуульд боломжийн хэмжээнд оруулахыг дахин хэлэлцүүлж өгөөч гэсэн саналыг би тавьж байна" хэмээн байр сууриа илэрхийллээ.

Share