БЗД-ийн 26 дугаар хороо Дүнжингарав худалдааны төвийн уулзвар дээр зам тээврийн ослын улмаас гарсан гал түймрийг бүрэн унтраасан гэж ОБЕГ-аас мэдэгдсэн. 

Тэгвэл ослын дараах нөхцөл байдалд НОК-оос авч хэрэгжүүлж буй арга хэмжээний талаар Нийслэлийн  Засаг даргын хэвлэлийн төлөөлөгч Н.Сугар мэдэгдэл хийлээ. 

Тэрбээр

⇨"Ослоос улмаас 62 өрхийн 178 иргэн эрүүл мэнд, сэтгэл санаа, өмч хөрөнгөөрөө хохирсон. Эдгээр иргэдийн хохирлыг хэрхэн барагдуулах, нийгмийн баталгааг хэрхэн хангахыг НОК хэлэлцэж байна.

⇨Одоогоор ослын бүсэд байсан 207 оршин суугчдад эрүүл мэндийн үзлэг хийлээ.

⇨28 машин галд өртсөн.

⇨Хэргийн газрын үзлэг дууссаны дараа осолд өртсөн талбайг цэвэрлэх ажил эхэлнэ. Түүнчлэн галд өртсөн барилгуудыг шинжилж, дахин ашиглах боломжтой эсэхийг мэргэжлийн байгууллагууд дүгнэлтээр шийдвэрлэнэ. 

⇨Одоогоор 11 айлын 43 иргэн зочид буудалд байрлаж байна.

⇨Халтиргаа гулгаанаас үүдэж зам тээврийн осол болсон эсэхийг хуулийн хяналтын байгууллага эцэслэн тогтооно" гэв.