Монголын Экспортын Кластерын Сүлжээ (МЭКС) ТББ нь Европын Холбооны санхүүжилттэй ITDM – International Trade & Development in Mongoliaтөслийн хамтран зохион байгуулагчийн хамтаар “Монголын Экспортын Кластерын Өдөр 2025”арга хэмжээг 2 дахь удаа өргөн хүрээнд зохион байгуулж байна.

Энэ жилийн гол сэдэв нь “ЖДҮ & Инновацийн Кластерууд” бөгөөд уул уурхайгаас ангид, нэмүү өртөг шингэсэн бүтээгдэхүүн, үйлчилгээний экспортыг нэмэгдүүлэх үндэсний зорилттой уялдаж байна. Монгол Улсын Үндэсний экспортын стратеги (2024–2028) уул уурхайн бус экспортын өсөлтийг тэргүүлэх зорилт гэж тодорхойлсон байдаг.

Арга хэмжээний ач холбогдол

Монголын экспортод чиглэсэн ЖДҮ-үүдийн хувьд кластерийн зохион байгуулалт нь олон улсын зах зээлд өрсөлдөх чухал механизм гэдгийг МЭКС батлан харуулж байна. Анх 2021 онд МҮХАҮТ болон салбарын гол холбоодын санаачилгаар байгуулагдсан МЭКС өнөөдөр 100 гаруй экспортын чиглэлийн компани, үйлдвэрлэгч, кластерын гишүүдийг нэгтгэсэнүндэсний хэмжээний платформ болжээ .

МЭКС нь төр, хувийн хэвшил, академи, санхүүжүүлэгчид, олон улсын байгууллагуудын хамтын ажиллагааг нэг дор төвлөрүүлэх “пентагон” загварааражилладаг кластерын оролцогчидын уялдааг хангах байгууллага юм. Энэ загвар нь кластеруудын өрсөлдөх чадварыг нэмэгдүүлэх дэлхийн шилдэг туршлагад нийцдэг гэдгийг олон улсын судалгаанууд нотолдог .

Энэ арга хэмжээнд онцлох үйл явдлууд

• Шилдэг кластер 2025— Кластеруудын шилдэг туршлага, хамтын ажиллагааг үнэлэх анхны үндэсний шагнал
• Кластеруудын танилцуулга— Экспортод гарах шийдэл, инноваци, хамтын бүтээгдэхүүний танилцуулга
• Хиймэл оюун ухаанд сургасан экспортын зөвлөх– ЖДҮ-үүдэд зориулсан хиймэл оюуны экспортын зөвлөхийн үйлчилгээ туршилтхийнэ
• Кластерын академи— Монголын анхны кластерын академи хамтралын танилцуулга хийгдэнэ.
• Шинэ экспортын чиглэлүүд: Брюссель, Фрайбург, Алибаба— Европ, Азийн зах зээлд Монголын бүтээгдэхүүний борлуулалтын сувгийг тэлэх боломж
• SME Offer Zone & B2B Networking— ЖДҮ үйлдвэрлэгчид, худалдан авагчид, корпорациудыг холбосон бизнес уулзалтууд
• Alibaba, Erxes, LinkSpace зэрэг технологийн түншүүдийн онцгой хөнгөлөлт, дэмжлэг

Яагаад энэ өдөр Монголын ЖДҮ-үүдэд чухал вэ?

Монгол Улсын экспортын бүтэц уул уурхайгаас өндөр хамааралтай хэвээр байгаа ба Үндэсний экспортын стратеги нь уул уурхайн бус бүтээгдэхүүний экспортыг 2026 он гэхэд мэдэгдэхүйц өсгөх зорилт тавьсан байдаг . ЖДҮ-үүдийн хөгжилд санхүүжилт, гадаад харилцаа холбоо, худалдааны нийцэл, зах зээлд нэвтрэх бэрхшээл ихээр тулгардаг гэж судалгаанд дурдсан байдаг .

МЭКС нь энэхүү “онгорхой” орон зайг нөхөж:

·Экспортын хүчит механизм болох кластерын зохион байгуулалтыг хөгжүүлэх

·Гадаад зах зээлд нэвтрэх мэдээлэл, сургалт, зөвлөх үйлчилгээг төвлөрүүлэх

·Төр, хувийн хэвшил, олон улсын байгууллагуудын хооронд зөвхөн экспортод чиглэсэн харилцааны платформболдог

Үр дүнд нь МЭКС-ийн гишүүд уул уурхайн бус экспортыг нэмэгдүүлэх, шинэ зах зээлийн сувгууд нээхэд бодитой амжилтууд гаргаж эхлээд байна. Жишээлбэл: CPNP бүртгэлтэй Монголын гоо сайхны бүтээгдэхүүнүүд ЕХ-д амжилттай борлуулалт хийж эхэлсэн, мөн ноос ноолуур, арьс шир, чацаргана бүтээгдэхүүний олон улсын үзэсгэлэн, нийлүүлэлтийн сүлжээний хамтын ажиллагаа бэхэжсэн зэрэг үр дүн бий болсон .

Арга хэмжээний дэлгэрэнгүй

• Огноо: 2025 оны 12-р сарын 12
• Хугацаа: 09:30 – 15:30
• Хаана:Улаанбаатар хот, The Corporate Hotel and Convention Centre
• Тасалбар: 100,000₮ (үндсэн арга хэмжээ + Dinner Reception багтсан)
• Оролцогчид:ЖДҮ эрхлэгчид, экспортод гарахыг зорьж буй бизнесүүд, салбарын холбоод, кластерууд, донорууд, төрийн байгууллагууд, стартапууд

МЭКС-ийн талаарх мэдээлэл

Монголын Экспортын Кластерын Сүлжээ нь Монголын экспортын чиглэлийн кластеруудыг нэгтгэсэн, төр-хувийн хэвшлийн хамтын ажиллагааг гүнзгийрүүлэх зорилготой, экспортын уялдаа холбоог хангах кластерын хамтралыг дэмжих төвлөрсөн платформ юм. Экспортын кластеруудын өрсөлдөх чадварыг нэмэгдүүлэхэд чиглэсэн сургалт, судалгаа, зөвлөх үйлчилгээ, олон улсын холболтыг санал болгодог.

Вэбсайт: www.exportclusters.mn
Имэйл: info@exportclusters.mn
Утас: +976 8810 5416, Хэвлэл мэдээлэл, лавлах утас: +976 99093532