Монгол Улсын "Улаан ном"-д 51-хэн ширхэг бүртгэгдсэн байдаг мазаалайн сэг зэм олдсон тухай Байгаль орчин аялал жуулчлалын сайд Б.Бат-Эрдэнэ өөрийн фэйсбүүк хуудастаа нийтэлсэн байна. 

Тэрбээр "Мазаалай маань үрэгдсэнээс уул уурхайн нэг компани зогссон нь дээр." гэж мэдэгдсэн бөгөөд шалтгааныг яаралтай тодруулна гэлээ.

Энэхүү мазаалай нь Алтайн нурууны урд үзүүр Баянхонгор аймгийн Баян-Өндөр, Шинэжинст суманд нутагшиж байсан аж. Мазаалай үхсэн шалтгааныг тодруулахаар БОАЖЯ-аас ажлын хэсэг ажиллаж байна.