Монгол Улсад коронавируст халдвар дэгдээд буй энэ үед БНХАУ-ын Эрээн хотын худалдаачид нэгдэн будаа, гурил, хувцас, амны хаалт зэрэг өдөр тутмын бараа бүтээгдэхүүн илгээхээр болжээ.

Сэтгэлийн илгээмж бүхий нийт таван машин ачааг уржигдар Монгол Улсаас Эрээн хотод суугаа консулын газар албан ёсоор хүлээлгэн өгсөн байна. 

Тус бэлгийн цуваанд Эрээн хотын хүүхдүүд ч мөнгө хандив цуглуулсан аж.

Монгол Улсаас Эрээн хотод суугаа консулын газрын дэд консул Ж.Дашням:

"Монгол Улсад тахал дэгдсэн цагаас хойш тусламж үзүүлж ирсэн та бүхэнд маш их баярлалаа. Консулын газар эдгээр бараа бүтээгдэхүүнийг хамгийн богино хугацаанд хил дамнуулж Монгол Улсын тахлын эсрэг ажлын удирдах албанд илгээнэ. Та бүхний сэтгэлийн бэлгийг тусламж шаардлагатай хүмүүсийн гарт хүргэх болно" гэлээ.

Тус хандивын арга хэмжээнд оролцсон худалдаачдын нэг бол Цэнгэлт юм. Тэрбээр "Бид хандив өрнүүлэхэд амны хаалт, будаа, гурил, даавуун хувцас, ариутгалын эд зүйлс зэрэг нийт 410,000 юанийн бараа бүтээгдэхүүний цугларсан, Монголчууд маань энэхүү цар тахлыг даван туулж чадна гэдэгт итгэж байна гэв.