Их, дээд сургуульд элсэн суралцахаар ЭЕШ-д бүртгүүлсэн шалгуулагч нь Монгол Улсын Засгийн газрын 37 дугаар тогтоолын дагуу эх хэлний боловсролын чанар, хэрэглээ, иргэдийн харилцааны соёл, эх хэлний дархлааны түвшинг сайжруулах зорилготой “Монгол хэл, бичгийн шалгалт”-д заавал хамрагдсан байна.
Монгол хэл, бичгийн шалгалтын /МХБШ/ онлайн бүртгэл www.eec.mn цахим хуудсаар орон даяар, Улаанбаатар хотын цагаар 2020 оны 02 дугаар сарын 10-ны өглөө 09:00 цагаас эхэлсэн бөгөөд 2020 оны 03 дугаар сарын 16-ны 18:00 цаг хүртэл үргэлжилнэ.
2020 онд ЕБС төгсөх шалгуулагчдын мэдээллийг "Боловсролын удирдлагын мэдээллийн сан"-аас татан авч бүртгэлд хамруулна. Өмнөх онд төгссөн шалгуулагчид www.eec.mn цахим хаягаар орж заасан хугацаанд бүртгэлд хамрагдана.
МХБШ-ыг 2020 оны 03 дугаар сарын 28-ны өдөр зохион байгуулах ба босго оноо 400 байна.
МХБШ-ын шалгуулагчид суудлын хуваариа өөрийн регистрийн дугаарыг ашиглан 2020 оны 03 сарын 23-аас 03 сарын 28-ны хооронд www.eec.mn цахим хуудасны “шалгуулагчийн булан”-гаас хэвлэн авна.
Сануулахад, Шинэ коронавирусийн халдвараас урьдчилан сэргийлж, гуравдугаар сарын 30-ныг хүртэл бүх сургууль, цэцэрлэгийн үйл ажиллагааг зогсоогоод буй. Үүнтэй холбоотойгоор энэ жил ЕБС-ийн сурагчдаас анги дэвших болон 5, 9, 12 дугаар ангийн сурагчдаас улсын шалгалт авахгүй гэдгийг БСШУС-ын сайд Ё.Баатарбилэг мэдэгдээд буй.
Харин ЭЕШ өгөх сурагчдаас авах монгол хэл, бичгийн шалгалт болон ЭЕШ товлогдсон хуваарийн дагуу хэвээр явагдах юм.
Эх сурвалж: Боловсролын үнэлгээний төв
202.126.89.27
Хариулах 2020.03.11
Үнэлгээний төв бүртгэлээ хялбар болгомоор юм.Төлбөр хийхэд асуудал гараад бхын.Шууд банкны данс тавьчихаар яадаг бнаа. Янз бүрийн код нэхээд ёстой төвөг учруулж бна шүү
1 0