Томуу, томуу төст өвчний тархалт нэмэгдэж байгаатай холбогдуулан 2025 оны арванхоёрдугаар сарын 1-нээс 2026 оны нэгдүгээр сарын 26-ныг хүртэл багш, сурагчдыг хамарсан урлаг, спортын тэмцээн болон хичээлээс гадуурх үйл ажиллагааг түр зогсоох шийдвэрийг холбогдох байгууллагуудад даалгалаа.

Халдварт Өвчин Судлалын Үндэсний Төвийн томуугийн тандалтын 46 дахь долоо хоногийн мэдээгээр улирлын томуу, томуу төст өвчний тархалт “аланг цоог дэгдэлтийн” түвшинд байгаа ч нийт өвчлөгсдийн 81.3 хувь нь 15 хүртэлх насны хүүхэд байна.

Монгол Улсын Засгийн газрын 2025 оны 11 дүгээр сарын 24-ний өдрийн хуралдаанаас өгсөн халдвар хамгааллыг чангатгах чиглэлийг хэрэгжүүлэх хүрээнд цэцэрлэг, ерөнхий боловсролын сургууль, дотуур байрны орчинд халдвар хамгааллын дэглэмийг мөрдүүлэх, томуу, томуу төст өвчнөөс урьдчилан сэргийлэх, хичээлийн тасралтгүй байдлыг хангах арга хэмжээг авч ажиллахыг холбогдох байгууллагуудад үүрэг болгов.