Өчигдөр Токио-Улаанбаатар чиглэлийн тусгай онгоцоор нийт 265 хүн ирсэн.

Нислэгээр ирсэн хүмүүсийн дотор экс ерөнхийлөгч Ц.Элбэгдорж, Асашёорюү аварга Д.Дагвадорж нар хамт багтсан байна. 

Ерөнхийлөгч асан Ц.Элбэгдорж дамжин өнгөрөх нислэгээр ирсэн бол Аса аварга Япон улсад 16 хоноод ирж байгаа юм. 

Тэрбээр ирэнгүүтээ  "МАН-ын дарга нар хүүхдүүдээ хар машинаар тосуулж авч байна, шударга ёс зүй энэ үү тэгээд даргад үйлчилсэн УОК-ын хурган дарга нараа!" хэмээн бичсэн юм. Мөн экс ерөнхийлөгчийг зочид буудалд өөрийг нь ХӨСҮТ-д тусгаарлалаа хэмээн багагүй бухимдан энэ тухайгаа нийгмийн сүлжээнд бичсэн юм. Түүнд хариулт болгож Корпорейт зочид буудал мэдэгдэл гаргажээ.

Мэдэгдэлд "Д.Дагвадоржийн цахим хуудсаараа дамжуулан нийтэлсэн экс ерөнхийлөгч Ц. Элбэгдорж манай зочид буудалд байрлаж байгаа гэдэг нь ташаа мэдээлэл учир залруулга хүргэж байна. Мөн Д.Дагвадорж манай зочид буудалд тусгаарлагдах зорилгоор өрөө захиалсан ба захиалгын дагуу сул байгааг үүгээр мэдэгдэж байна." хэмээн бичжээ.


Share