Монгол хөөмийг дэлхийн дээд амжилтад бүртгүүлэх “Түүхэн бахархалт өдөр” үйл ажиллагаа энэ сарын 30-нд Ховд аймагт болох гэж байна.

Энэхүү арга хэмжээнд 1500 хөөмийч зэрэг хөөмийдөж Ардын урлагийн хамгийн гайхалтай өвүүдийг нэгийг түүхэнд данслах нь.

Санаачлан зохион байгуулагч нь Ховд аймгийн ИТХ, Засаг даргын тамгын газар, Дэлхийн хөөмийн холбоо бөгөөд энэхүү биет бус соёлын өвийг түгээн дэлгэрүүлэх, өвлүүлэн уламжлуулах, сурталчлах, судлах чиглэлээр олон ажил хийхээр төлөвлөж буй.

Сонирхуулахад "Монгол Хөөмий", 2010 онд ЮНЕСКО-гийн  “ Хүн төрөлхтний соёлын биет бус өвийн төлөөллийн жагсаалт”-д бүртгэгдсэн билээ.

Хөөмэй нь хүний амьсгалаар авсан уушгин дахь хийг ам, нармай, мөгөөрсөн хоолой, төвөнх, цээжний хөндийгөөр хөөрөгдөн цохилт, тэсрэлт, доргилт үүсгэн цуурайлуулан хөөж хөг, ая, эгшиг үүсгэн хөгжимдөх урлаг юм. Өөрөөр хэлбэл хүний амьсгалын болон өгүүлэхүйн эрхтнийг хөгжмийн зэмсэг болгосон Хүн-хөгжим юм. Монголчууд хөөмийн урлагаар хүний өгүүлэхүйн эрхтний оролцоог дээд хэмжээнд хүртэл ашиглан, урлагийн “зэмсгийн“ төгс чанарт хүргэн хөгжүүлж чадсан юм.  


Share