Манай улс сар бүрийн гуравныг "Цусаа бэлэглэх өдөр" болгон тэмдэглэдэг. Энэ удаагийн "Цусаа бэлэглэх өдөр"-ийн  арга хэмжээг нийслэл хотын 383 жилийн ойг угтан Цус сэлбэлт судлалын үндэсний төв, Монголын Улаан Загалмайн Нийгэмлэг, Хүүхэд залуучуудын хөдөлгөөн КЛУБ-25-тай хамтран зохион байгууллаа. 

Энэ үеэр 100 буюу түүнээс дээш удаа цус, цусны бүрэлдэхүүн хэсгээ бэлэглэсэн Хүндэт донор П.Одмаа, Н.Алтантуяа, Р.Энхчимэг, П.Батболд нарыг Улаанбаатар хотын "Хүндэт тэмдэг"-ээр шагналаа. Түүнчлэн Хүрэл донор Ч.Гантулга, С.Соддэлгэр, С.Хүрэлбаатар нарыг Улаанбаатар хотын "Нийслэлийн тэргүүний ажилтан" цол тэмдгээр, Хүндэт донор Б.Өнөрцэцэг, Н.Батцэрэн нарыг нийслэлийн Засаг дарга бөгөөд Улаанбаатар хотын Захирагчийн "Жуух бичиг"-ээр шагнаж алдаршууллаа.

Мөн 70-аас дээш удаа цус, цусны бүрэлдэхүүн бэлэглэсэн Хүндэт донор Э.Чимэдцэрэнг "Хүрэл донор"-оор, Д.Энхбаяр, Х.Даваасамбуу нарыг "Бахархал 50" тэмдгээр, цусны донор Х.Энхсүрэнг "Бахархал 30" тэмдгээр, "Бахархал 10" тэмдгээр Д.Алтан-Очир, Б.Жаргалмаа, Г.Очмаа нарыг шагнажээ.

Share