Турк улсын нийслэл Анкара хотын Чанкая дүүрэгт хог тээврийн ажилчид хог хаягдал дундаас цуглуулсан номнуудаар 40 мянга гаруй номтой нийтийн номын сан байгуулсан нь олон нийтийн анхаарлыг татаж байна.

Тэд 2017–2018 оноос эхлэн хогийн саванд хаягдсан, ашиглах боломжтой номнуудыг ялган авч, өөрсдөө болон гэр бүлийнхэнтэйгээ унших зорилгоор хадгалж эхэлжээ. 

Гэвч номын тоо нэмэгдэхийн хэрээр санаачилга өргөжиж, хаягдсан барилгыг тохижуулан олон нийтэд нээлттэй номын сан болгон хувиргасан байна.

Өдгөө уг номын сан нь уран зохиол, түүх, шинжлэх ухаан, хүүхдийн ном зэрэг төрөл бүрийн 40 мянга гаруй номын фондтой болж, орон нутгийн иргэд, сурагчид, оюутнуудад үнэ төлбөргүй үйлчилж байна. Мөн зарим номыг сургуулиудад хүргэх зорилгоор явуулын номын сан хэлбэрээр ашиглаж эхэлжээ.

Энэхүү санаачилгыг орон нутгийн захиргаа дэмжиж, хог хаягдлыг дахин ашиглах, унших соёлыг түгээн дэлгэрүүлэх нийгмийн сайн жишиг төсөл хэмээн үнэлж байгаа юм.

Эх сурвалж: GOOD NET