Цахим спортын “Counter-Strike 2” тоглоомын энэ оны хоёр дахь ДАШТ өнөө шөнө Унгарын Будапешт хотноо эхлэх гэж байна. 

Манай The MongolZ баг Playoffs-ын эхний шатанд Францын Team Vitality багтай учраа таарсан бөгөөд тэд ДАШТ-ийн шөвгийн дөрөвт шалгарах эрхийн төлөөх шийдвэрлэх тулаанаа Улаанбаатарын цагаар өнөө шөнө 03.00 цагт хийх юм. Хэрэв хожвол шөвгийн дөрөвт ОХУ-ын Team Spirit болон Саудын Team Falcons багийн аль хожсонтой нь энэ ням гарагт тоглоно.

Ташрамд дурдахад, “The MongolZ” баг өнгөрсөн наймдугаар сард Саудын Арабт болсон Esports World Cup-т Team Vitality-г 2:1-ээр хожиж, тэмцээний шөвгийн дөрөвт шалгарч байсан удаатай. 

StarLadder Budapest Major-2025 тэмцээний Playoffs шатанд:

• Бразилийн FURIA

• ОХУ-ын Team Spirit

• Францын Team Vitality

• Германы MOUZ

• Монголын The MongolZ

• Саудын Team Falcons

• Украйны Natus Vincere

• Европын FaZe Clan гэсэн найман шалгараад байгаа юм.