АНУ-ын Засгийн газрын Соёл, боловсролын товчооноос санаачилан хэрэгжүүлдэг кино урлагийн нэр хүндтэй хөтөлбөр болох American Film Showcase (AFS) дахин зохион байгуулагдахаар болжээ. 

Хөтөлбөр энэ удаад спортын сэдэвт баримтат кино бүтээгчдийн дунд сонгон шалгаруулалт явуулах бөгөөд 2026 онд АНУ-д зохион байгуулагдах дэлхийн хэмжээний хоёр том спортын үйл явдалтай давхцаж буйгаараа онцлог аж. Тодруулбал, FIFA World Cup болон Summer Olympics, Summer Paralympics наадмууд энэ онд зохион байгуулагдах юм.

Сонгогдсон оролцогч дэлхийн авьяаслаг 12 кино найруулагчдын нэг болох боломжтой бөгөөд АНУ-ын Лос Анжелес хотод байрлах University of Southern California (USC)-ийн Кино урлагийн сургуульд 10 хоногийн бүрэн санхүүжилттэй резиденсид хамрагдах ажээ.

Түүнчлэн хөтөлбөрт дараах боломжууд багтжээ. Үүнд, 

• USC-ийн шилдэг багш нартай 10 хоногийн эрчимжүүлсэн сургалт
• Америкийн спортын медиа мэргэжилтнүүдийн зөвлөгөө, хэлэлцүүлэг
• Өөрийн төслөө салбарын тэргүүлэгч мэргэжилтнүүдэд танилцуулах боломж
• AFS-ийн олон улс дахь төгсөгчдийн сүлжээнд нэгдэх гэх мэт. 

Хөтөлбөр нь оролцогчдын бүх зардлыг бүрэн хариуцах бөгөөд спортын чиглэлээр баримтат кино бүтээж буй найруулагч, продюсеруудад нээлттэй ажээ. Өргөдлийг 2026 оны хоёрдугаар сарын 26-ныг хүртэл хүлээн авах юм байна.

Дэлгэрэнгүй мэдээлэл:

• Танилцуулга: mn.usembassy.gov/afs-residency-02062026

• Өргөдөл гаргах: https://forms.gle/pPEucvZtB5VFUHoM8

Эх сурвалж: АНУ-ын Элчин сайдын яам