Гадаад харилцааны сайд Б.Батцэцэг ОХУ-д айлчлах үеэр РИА Новости агентлагийн Михайл Струпинскийн “Страна Индустрия” нэвтрүүлэгт оролцож, ОХУ, Монгол Улсын хамтын ажиллагаа хөгжлийн талаар ярилцлага өгсөн юм.

Энэ үеэр ОХУ-ын оролцоотой интеграцчиллын байгууллагуудад элсэх эсэх тухай, Сэлэнгэ мөрний цутгал дээрх усан цахилгаан станц Монголд яагаад хэрэгтэй байгааг тайлбарлаж, Монголд төмөр зам тавих ажилд ОХУ оролцох боломж, хэтийн төлөв, Монголын тал Оросын жуулчдыг татах ямар төлөвлөгөөтэй байгаа талаараа ярилцлаа. Тэрбээр энэ ярилцлагын дараахан ОХУ-ын төрийн албаныхнаас маш том өндөр үнэлгээ авсан юм.

Тус ярилцлагын дараагаас эхлэн түүний дипломат ёс зүй, мэдлэг чадварыг биширсэн хүмүүс олон байв. Шуудхан хэлэхэд энэ Засгийн газрын хамгийн чадвар өндөртэй эмэгтэй сайд гэдэгтэй олон хүн санал нийллээ.  Нэг үгээр хэлэхэд Монгол Улсын эмэгтэйчүүд улс төрийн манлайллаараа үлгэр жишээ болж байгааг олон улсад харуулж чадлаа.

Монгол Улсын Гадаад харилцааны сайд Б.Батцэцэг,  ОХУ-ын БН Буриад Улсын Соёлын сайд С.Б.Дагаева, Монгол Улстай хамтран ажиллах асуудал хариуцсан сайд Д.Ш.Чирипов нар угтан, орос заншлаар хүндэтгэл үзүүлэв.  2021.05.30

Түүнчлэн түүний цэвэрхэн дэгжин үндэсний хувцаслалт, час хийсэн мэдлэгтэй хариулт, төрөлх хэл шигээ Орос хэлээр ярьж, хариулж байгаа нь алдартай  сурвалжлагчийг гайхшруулж байсан юм.

Гадаад харилцааны сайд Б.Батцэцэгийн айлчлалын үр дүн Орос, Монголын харилцааны цаашдын хөгжилд сайнаар нөлөөлж байна.


Бичлэг үзэх: 

Share