Эрчим хүчний салбар зардлаа бууруулж, хэмнэлт хийнэ

Н.Жавхлан
12 сарын 06, 2024

ЭХЗХ-ны ээлжит хурлаар эрчим хүч үйлдвэрлэж буй 8 дулааны цахилгаан станцын түлшний зарцуулалт, дотоод хэрэгцээний цахилгаан эрчим хүчний зарцуулалт, цахилгаан дамжуулах, түгээх үйл ажиллагаа эрхэлдэг 18 компанийн дамжуулалт, түгээлтийн алдагдлыг бууруулах 2025 оны зорилтот түвшинг тогтоолоо.

Тодруулбал төвийн бүсийн нэгдсэн системийн дулааны цахилгаан станцуудаас ирүүлсэн2025 онд мөрдөж ажиллахзорилтод түвшингийн саналыг хянаж, түлшний зарцуулалтын хэмжээг цахилгаанд 1 кВт.ц тутамд 5.1 гр-аар, дулаанд 1 Гкал тутамд 1.2 кг-аар бууруулан 5.4 орчим тэрбум төгрөгийн хэмнэлт гаргахаар тооцоолж шийдвэрлэлээ.

Харин дотоод хэрэгцээний цахилгаан эрчим хүчний зарцуулалтын хувь хэмжээг 28.5 сая кВт.цагаар буурууллаа. Ингэснээр төвийн бүсийн нэгдсэн системийн дулааны цахилгаан станцуудын хэмжээнд 6.1 тэрбум орчим төгрөгийн хэмнэлт гаргахаар тооцоолж байна. 

Цахилгаан дамжуулалт, түгээлтийн алдагдлын хувь хэмжээг компаниудаас ирүүлсэн саналаас бууруулан нийт 25.5 сая кВт.цаг буюу 5.5 тэрбум орчим төгрөгийн хэмнэлт гаргахаар алдагдалын хувь хэмжээг тогтоогоод байна. 

ЭХЗХ-оос 2025 онд цахилгаан станцуудын дотоод хэрэгцээний цахилгаан зарцуулалтыг 28.5 сая кВт.ц-аар бууруулж тогтоолоо. Ингэснээр 6.1 тэрбум төгрөгийн хэмнэлт гаргахаар тооцжээ. 

Цахилгаан дамжуулалт, түгээлтийн алдагдлыг 25.5 сая кВт.ц-аар бууруулж тооцож үйлдвэр, компаниудад үүрэг болголоо. Алдагдлыг ингэж бууруулснаар 5.5 тэрбум орчим төгрөгийн хэмнэлт гарах юм. 

Эх сурвалж: ЭХЗХ


Холбоотой сэдвүүд

зардал эрчим хүч

Сэтгэгдэл бичих

Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.