Коронавирусийн цар тахлын улмаас тогтоосон хатуу хөл хориог хоёрдугаар сарын 23-наас сулруулна. Энэ үеэр ямар журам мөрдөх, ямар байгууллагуудын үйл ажиллагааг хэрхэн нээх талаар УОК-оос өнөөдөр мэдээлэл хийлээ.
Ирэх мягмар гараг буюу энэ сарын 23-наас гамшгаас хамгааллах зэрэглэлийг бууруулж, "Шар" түвшинд шилжүүлэхээр шийдвэрлэжээ. Уг түвшинд шилжсэнээр дараах 5 төрлийн үйл ажиллагаанаас бусад бүх үйл ажиллагаа, үзвэр үйлчилгээ, үйлдвэрлэлийг нээх аж. Гэхдээ тухайн ААН бүр ямар журам баримталж ажиллах зэргийг нарийн зохицуулсан байна. Тухайлбал, тоглолт, үзвэр үйлчилгээг заалны 30-50 хувийн дүүргэлттэйгээр зохион байгуулах аж. Ингэснээр нийт ААН-ийн 95 хувь нь эдийн засгийн эргэлтэд орж эхэлнэ гэдгийг УОК-оос онцоллоо.
Нээгдэхгүй буюу хязгаарласан үйл ажиллагаанууд:
- Уралдаан тэмцээн
- Аялал зугаалга /гэр бүлээс бусад/
- Өргөтгөсөн болон үзэсгэлэн худалдаа
- Диско баар
- Цахим тоглоомын газар, Хүүхдийн тоглоомын төв