Сөүл хотын Юнсан дүүргийн Итэвон хороонд энэ сарын 29-нөөс 30-нд шилжих шөнө хэт олон хүн цугларснаас үүдэн эмгэнэлт осол болсон билээ. Одоогоор ослын улмаас амиа алдсан хүний тоо 151, гэмтсэн хүний тоо 82-т хүрчээ. Үүнтэй холбоотойгоор Солонгос улс арваннэгдүгээр сарын 05-ны өдөр хүртэл орон даяар гашуудал зарлаад байна.

Эмгэнэлт ослын улмаас Сөүл дэх Монгол Улсын элчин сайдын яамнаас энэхүү гашуудалт цаг үеийг хүндэтгэн, аливаа төрлийн баяр ёслол, тоглолт, спорт наадам зохион байгуулахгүй, оролцохгүй байхыг уриалсан юм.

Гэвч энэ үеэр "Тоонот рекордс"-ийн залуус Сөүл хотод тоглолт зохион байгуулсан нь олны дүргүйцлийг төрүүлээд байна. Тэд аялан тоглолтоо 10 сарын 28-ны өдөр Пусанд, 10 сарын 29, 30-ны өдөр Сөүлд хийхээр товложээ. Гэвч Итэвон дүүрэгт болсон эмгэнэлт үйл явдлыг үл тоомсорлон тоглолтоо хуваарийн дагуу хийсэн нь ийнхүү шүүмжлэл дагууллаа.

Тоонот рекордсийн Сөүл хотод зохион байгуулсан тоглолтын бичлэг үзэх: 

Монгол Улсын элчин сайдын яамны мэдэгдэл харах: