БНАСАУ-ын Төрийн зөвлөлийн дарга Ким Жөн Ун Бээжин хотод айлчлах үеэрээ БНХАУ-ын дарга Си Жиньпинийг Пхеньянд албан ёсны айлчлал хийхийг урьжээ. Энэ тухай Солонгосын Төв цахилгаан мэдээний агентлаг мэдээлсэн байна.

БНХАУ-ын дарга урилгыг таатай хүлээн авч, БНАСАУ-д айлчлах төлөвтэй байгаагаа Ким Жөн Унд мэдэгдсэн байна. Си Жиньпины урилгаар Ким Жөн Ун энэ сарын 7-10-нд Хятад улсад айлчилсан юм. Энэ удаагийн айлчлал  нь Ким Жөн Уны Хятад улсад хийсэн 4 дэх удаагийн айлчлал болсон.

Ким Жөн Уныг түүний гэргий Ли Соль Жу, түүний зөвлөх бөгөөд Солонгосын Хөдөлмөрийн намын Нэгдсэн фронтын хэлтсийн дарга Ким Ён Чоль, БНАСАУ-ын Гадаад хэргийн сайд Ри Ён Хо нар дагалдан явсан юм. 

Эх сурвалж: МОНЦАМЭ агентлаг, ТАСС