ПЁНЬЯН. /NHK/. БНАСАУ-ын удирдагч Ким Жөн Ун улс орныхоо эдийн засгийн тогтвортой байдлыг харуулах зорилгоор нийслэл Пёньян хот дахь их дэлгүүрт шалгалт хийсэн байна.

АНУ-БНАСАУ-ын удирдагчдын хоёр дахь дээд хэмжээний уулзалт хэлэлцээргүйгээр өндөрлөсөн нь БНАСАУ-ын эсрэг авсан хориг арга хэмжээг цуцлахад цаг хугацаа шаардлагатайг харуулсан юм. 

Пёньян дахь их дэлгүүрт шинэчлэл хийж, дахин нээгдэх гэж буйг угтан Ким Жөн Ун уг дэлгүүрт зочилсон талаар БНАСАУ-ын төв мэдээллийн агентлаг даваа гарагт мэдээлсэн байна.

БНАСАУ-ын удирдагч орчин үеийн их дэлгүүр үйлчлүүлэгчдээ хүлээн авахад бэлэн болсныг дурдаад, хоол хүнс, хувцас, гэр ахуйн хэрэгсэл зэрэг олон төрлийн, чанартай бүтээгдэхүүнээр иргэдийг хангах боломжтой болсныг онцлон тэмдэглэжээ. 

Ким Жөн Ун эдийн засагт ач холбогдол бүхий төслүүдэд хяналт шалгалт хийж буй талаар тус улсын төв мэдээллийн агентлаг сүүлийн таван хоногт дөрөв дэх удаагаа мэдээлж буй нь энэ юм. 



Түүний энэ үйл ажиллагаа нь эдийн засгийн хүчин чадлаа харуулахын зэрэгцээ Вашингтонд буулт хийх эрмэлзэлгүй байгааг илэрхийлэх зорилготой хэмээн ажиглагчид үзэж байна. 

Эх сурвалж: Монцамэ агентлаг