Б.Янжмаа
09 сарын 26, 2020
Гэр бүлийн ёс зүй судлаач С.Эрдэнэцэцэг багштай ярилцаж байтал “Эх хүний хараал хамгийн хүчтэй байдаг” хэмээн Америкийн зохиолч Луйз Хейгээс иш татдаг юм байна. Эхлээд сонсоход цочирдом энэ өгүүлбэрт утга учир бий. Ээж нь охиноо “Цаад нэг юмтайгаа таарч тохирохгүй хүрээд ирнэ дээ, чи” гэх мэтээр загнаж байхыг та бишгүй л сонсоо байлгүй. Үнэндээ ч охин нь хожим нөхөртэйгээ таарч тохирохгүй ирчихсэн байх нь ч бий. Үүнийг эх хүн охиноо мэддэг гэдгээр тайлбарлаж болох ч эх хүний үг үр хүүхдэдээ хамгийн хүчтэй нөлөөлдөг гэдгээр ч тайлбарлагдана.
Өөрөөр хэлбэл үр хүүхдийнх нь далд ухамсарт ээжийн үнэлгээ, зөн “бичигдэж” байдаг гэнэ л дээ. Тэгээд л хүүхдийнх нь амьдрал болж бүтэхгүй бол “Ээж минь яасан үнэн үг хэлээ вэ” гэж бодогддог байлгүй.
Үнэндээ үр хүүхдийнхээ мууг үзчихье гэж боддог ээж нэг ч байхгүй. Харин санамсаргүй амнаасаа унагасан муу үгс үр хүүхдийнх нь хувь заяанд нөлөөлж болно гэдгийг л хэлье.
Нэгэнт муу үг нөлөөлж байгаа юм чинь сайн үг сайн нөлөөтэй гэдэг нь мэдээж. Тэгэхээр ээж нар хүүхдийнхээ талаар зөвхөн сайныг ярьж, зөгнөж байх хэрэгтэй юм байна.
Ардын уран зохиолч Б.Лхагвасүрэн Наполеоныг багад эмээ нь “Францын агуу хүү минь сэрээрэй” хэмээн дууддаг байсан тухай ярьсан удаатай.
Эмээгийн үг хүүд нөлөөлсөн талаар хожим Францын эзэн хаан дурсаж л дээ.
Хүүхдийг “Сайн хүн болно оо” гээд байхаар сайн хүн болдог. “Шоронгийн тав болно доо, чи” гээд зүхээд байхаар шоронгийн хадаас л болдог гэсэн яриа ч байдаг. Ээж таны хүү мундаг эр болно.
Хэдэн жилийн өмнө ийнхүү бичиж байлаа. Илүү олон ээжид хүрээсэй хэмээн давтав.
Сэтгэгдэл бичих (2)
Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.
Зочин [161.115.51.68] ・ 2025.10.15 Хариулах
хүүхдийнхээ мууг үздэг ээж байдаг шүү
Зочин [66.181.181.158] ・ 2023.05.15 Хариулах
Hogiin eej bnaaa bdag
Санал болгох
1 Mongolia’s Parliament Accepts President U.Khurelsukh’s Resignation Amid US$110 Million Railway Corruption Scandal
2 Шведийн засгийн газар хүүхдийн суурь чадварыг хөгжүүлэхийн тулд дижиталчлах хөтөлбөрөө зогсоожээ
3 Public Anger and Suspicion Mounts Amid Mongolia's Persistent Gasoline Shortage Crisis
4 Берлиний музейн танхимд Монголын соёл эгшиглэж, ахуй амиллаа
5 А.Энхжаргал: “Бодь Даатгал” компани брэндийн шинэчлэл хийж, “БОГД ДААТГАЛ” нэртэйгээр хөгжлийн шинэ түүхээ эхлүүлж байна