Шинэ коронавирустэй холбоотой асуудлаар Эрүүл мэндийн яам, холбогдох байгууллагууд өнөөдөр мэдээлэл хийлээ.

Энэ үеэр ХӨСҮТ-ийн Ерөнхий захирал Д.Нямхүү "Дөрөвдүгээр сарын 3-нд Токио-Улаанбаатар чиглэлийн тусгай үүргийн онгоцоор ирсэн 62 хүний шинжилгээнд коронавирус илрээгүй. Мөн ХӨСҮТ-д тусгаарлагдсан хоёр сэжигтэй тохиолдлоос уг вирус илрээгүй.

Амар зочд буудалд тусгаарлагдсан 169 хүн, Цэргийн төв эмнэлэгт тусгаарлагдсан 74, Зүчи зочид буудалд тусгаарлагдсан 4 хүний давтан шинжилгээг хийсэн. Тэднээс коронавирус илрээгүй. Тандалтаар хийсэн 26 хүний шинжилгээнд мөн коронавирус илрээгүй.

Дөрөвдүгээр сарын 04-нд нийт 337 хүнд шинжилгээ хийсэн. Бүгдэд нь коронавирус илрээгүй" хэмээлээ.