Улсын онцгой комиссын шийдвэрээр Улаанбаатар хотод гацсан орон нутгийн иргэдийг нутаг буцаах ажлыг сар шинийн өмнө буюу 02 дугаар сарын 05-ны өдрөөс 09-ний өдрийг хүртэл хугацаанд зохион байгуулна.

Иймд нийслэл, аймаг, орон нутгийн Онцгой комисс ямар ажлуудыг зохион байгуулах, иргэд хаана хандаж, ямар шинжилгээ, бичиг баримт бүрдүүлсэн байх талаарх дэлгэрэнгүй мэдээллийг хүргэж байна.

Нутаг буцах иргэд:

  1. Аймаг, нийслэлийн Онцгой комиссын шуурхай штабт өргөдөл гаргана.
  2. Өргөдлийн хариуг бүртгүүлсэн утасны дугаараар хүлээн авна.
  3. PCR шинжилгээ өгнө.
  4. Шинжилгээний хариу гарснаас хойш 24 цагийн дотор нийслэлээс гарна.
  5. Аймаг орон нутгийн авто тээврийн шалган нэвтрүүлэх, хяналтын цэгт бүртгүүлнэ.
  6. Очоод гэрийн ажиглалтад 14 хоног тусгаарлагдана.