УИХ-ын гишүүн Ш.Раднаасэд мэдэгдэл гаргажээ. 

Тэрбээр мэдэгдэлдээ "Сүүлийн 2 жилийн турш над руу чиглэсэн гүтгэлэгийн шинжтэй иймэрхүү худал мэдээлэл үе шаттайгаар үргэлжилж байна. Улсын өмч хөрөнгийг хулгайлах, завших, шуналын сэдэл надад байхгүй. Би энэ бүхнийг хэн зохион байгуулж байгааг мэднэ. 2019 онд ЖДҮХС-тай холбоотой асуудлаар АТГ шалгаад холбогдолгүй болохыг тогтоосон. Иймээс ойрын хугацаанд хуулийн байгууллагад хандана" гэжээ.

Мөн тэрээр хэрэв гэм буруутай нь тогтоогдвол 2020 оны УИХ-ын сонгуульд нэр дэвшихгүй,улмаар хуулийн хариуцлага хүлээнэ гэдгээ ч мэдэгдсэн байна.

"Сонгууль ойртож, намаас судалгаа авах сургаар намайгаа гүтгэж, харлуулах ажил үе шаттайгаар эхэлж байна даа. Намайг гэмт хэрэгт холбогдуулж бичээд байгаа хүмүүс шалгуулдаг газар нь гомдлоо гаргаж шалгуулахыг хүсье. Худал мэдээлэл түгээж хилэнц хураах юм даа" хэмээн хэдхэн хоногийн өөрийн фэйсбүүк хуудастаа бичиж байсан юм.

Share