БСШУС-ын сайд Ц.Цогзолмаа өчигдөр Япон Улсын Шизуока мужийн Изунокүни хотын захирагч хатагтай Оно Тошико тэргүүтэй төлөөлөгчдийг хүлээн авч уулзаж, хоёр талын соёл, урлаг, спортын салбарын харилцаа, цаашдын хамтын ажиллагааны асуудлаар санал солилцов.

Сайд Ц.Цогзолмаа Изүнокүни хотын иж бүрэн дэмжлэгтэйгээр Монголын жүдо бөхийн баг тамирчдыг бэлтгэл сургуулилт хийлгэх болж байгаад талархал илэрхийллээ.


Цаашид хоёр орны соёл, спортын салбарын хамтын ажиллагааг хөгжүүлэх, соёл урлаг, спортын солилцоог идэвхжүүлэх, уран бүтээлчдийн хамтарсан тоглолтыг зохион байгуулах зэрэг олон ажил хамтран хийгдэнэ гэдэгт итгэл төгс байгаагаа тэмдэглэн хэллээ. 

Хатагтай Оно Тошико хүүхэд залуучуудын соёлын боловсролд анхаарал хандуулдгийн зэрэгцээ хүүхдийг жүдо бөхийн спортын төрлөөр хичээллүүлэх, ирээдүйн тамирчдыг бэлтгэх чиглэлээр түлхүү анхаардаг. 2019 онд Япон Улсад Монголын сонгодог урлагийн уран бүтээлчдийн тоглолтыг зохион байгуулахаар төлөвлөж буйгаа хэлж, хоёр орны соёлын солилцоог идэвхжүүлэх саналаа илэрхийллээ.

Эрүүл мэндийн яам