МОСКВА. /TASS/. Крантны усанд хорт хавдар үүсгэгч 22 төрлийн бодис байсныг экологичид олж илрүүлжээ. Эдгээр бодис нь агаарын бохирдлын адил хорт хавдар үүсэхэд нөлөөлж болзошгүй бодисууд аж. Түүнчлэн эдгээр бодис нь 2010-2017 оны хугацаанд бүртгэгдсэн хорт хавдрын хэдэн зуун мянган тохиолдолтой холбоотой гэж эрдэмтэд үзэж байгаа аж.   


“Чанарын шаардлага хангасан ус ч хүний эрүүл мэндэд аюултай байж болзошгүйг хүмүүс ойлгоосой гэж бид хүсэж байна” хэмээн судалгааны багийн гишүүн Сидни Эванс ярьсан байна. 


Экологчид АНУ даяар 48 мянган крантны усанд хорт хавдар үүсгэгч бодис агуулагдаж байгаа эсэхэд нь дүн шинжилгээ хийсэн байна. Эрдэмтэд өөр агууламжтай 22 төрлийн бохирдуулагч бодисыг олж илрүүлсний дотор хүнцэл, цацраг идэвхт изотопууд, уран болон бусад бодис илэрсэн байна. 



Дэлхийн эрүүл мэндийн байгууллагын мэдээлснээр, ундны усан дахь хорт хавдар үүсгэгч бодисноос үүдсэн хорт хавдрын тохиолдол нийт тохиолдлын 1-4 хувийг эзэлдэг байна. 

Эх сурвалж: Монцамэ агентлаг

Share