Нийслэлийн Засаг даргын 2020 оны А/1115 дугаар захирамжийн дагуу нийслэлийн хэмжээнд хугацаат цэргийн албаны татлага өнөөдөр эхэллээ.

10 дугаар сарын 25-ныг дуустал үргэлжилнэ.

Цэрэг татлагыг зохион байгуулахаар нийт 2148 албан тушаалтан томилогдон ажиллаж байна. Энэ сарын 20-ны байдлаар Зарлан мэдэгдэх хуудас тараах ажил 95 хувьтай байсан бөгөөд үүнээс 1558 иргэн цэргийн дүйцүүлэх албаны мөнгөн төлбөр төлжээ.

Хугацаат цэргийн албанд татагдагчид нь:

  • Иргэний үнэмлэх,
  • Цэргийн үүрэгтний үнэмлэх, 
  • Эрүүл мэндийн болон нийгмийн даатгалын дэвтэр, 
  • Оюутнууд их, дээд сургуульд сурч байгаа сургуулийн тодорхойлолт, сургалтын төлбөр төлсөн баримт, оюутны үнэмлэх, 
  • Мэргэжил эзэмшсэн бол мэргэжлийн үнэмлэх, сургууль төгссөн диплом зэрэг баримт бичгийг биедээ авч, цэрэг татлагын байранд тогтоосон хугацаанд ирэх үүрэгтэй юм.

Цэрэг татлагаас зайлсхийсэн тохиолдолд хуулийн дагуу мөнгөн торгууль ногдуулна.

Share