Сурагчдын өвлийн амралт эхэлсэнтэй холбогдуулан хүүхэд угаарын хордлогод өртөхөөс урьдчилан сэргийлэх зөвлөмжийг Нийслэлийн Эрүүл мэндийн газраас эцэг эх, асран хамгаалагч нарт хүргэж байна.
Үүнд:
- Бага насны хүүхдийг харгалзах хүнгүйгээр гэртээ үлдээхгүй байх
- Гэр, байшиндаа тогтмол чийгтэй цэвэрлэгээ хийх
- Гэр, байшингийн агаар сэлгэлтийг тогтмол хийх
- Зуух, яндангийнхаа бүрэн бүтэн байдлыг хангах, янданг тогтмол хөөлөх, шөнийн цагт тохируулах галлаж, яндангийн хаалтыг хаахгүй байх, бага насны хүүхдээр гал түлүүлэхгүй байх
- Хүүхэд болон гэр бүлийн гишүүдэд толгой өвдөх, толгой эргэх, дотор муухайрах, бөөлжих зэрэг шинж тэмдэг илэрвэл цаг алдалгүй эмнэлгийн байгууллагад хандах, түргэн тусламж дуудахыг зөвлөж байна.